މި ލަވައަށް ފާޑިކިޔަން ފަށާފައިވަނިކޮށް އިންޑިއާގެ ޗައިލްޑްހޫޑް އެސޯސިއޭޝަން (އީސީއޭ) އިން އޯޕަން ލެޓަރއެއް ނެރި ވަނީ މި ފާޑުކިއުންތަކުގައި ހުޅު ރޯކޮށްލާފައެވެ.

މިގޮތުން އެ އެސޯސިއޭޝަނުން ބުނެފައިވަނީ އެ ލަވައަކީ "ނާސަރީ ލަވަތައް" ހިމަނައިގެން އެއްވެސް މާނައެއް ނެތް ގޮތައް ހަދާފަައިވާ ލަަވައެއް ކަމަށެވެ. 

"ލެޓްސް ޑާންސް ޗޯޓޫ މޮޓޫ" ލަވައިގައި، "ޓްވިންކަލް ޓްވިންކަލް ލިޓްލް ސްޓާ"، "ޖެކް އެންޑް ޖިލް" އަދި "ހަމްޕްޓީ ޑަމްޕްޓީ " ފަދަ ގިނަ އަދަދެއްގެ ނާސަރީ ރައިމްސް ބޭނުންކޮށްފައިވެއެވެ. 

ނާސަރީ ރައިމްތަކާއި ރެޕް ބައިތައް އާދަޔާ ހިލާފަށް އެއްކޮށް ކޮށާލާފައިވާ މި ލަވައިގައި، ރެޕް ބައިތައް ކިޔާފައިވަނީ ޔޯ ޔޯ ހަނީ ސިންގް އާއި ނޭހާ ބާސިން އެވެ.

އާލީ ޗައިލްޑްހޫޑް އެސޯސިއޭޝަން (އީސީއޭ) އިން މިހާރު ވަނީ އޯޕަން ލެޓަރެއް ނެރެ، ފިލްމު ކިސީ ކާ ބައި ކިސީ ކީ ޖާންގެ ލަވަ ލެޓްސް ޑާންސް ޗޯޓޫ މޮޓޫގައި ނާސަރީ ރައިމްސް ބޭނުން ކުރުމަށް ފާޑުކިޔާފައިވާއިރު، ފިލްމީ ދާއިރާއިން ކުޑަކުދިންގެ ކޮންޓެންޓު ބޭނުންކުރާއިރު ސަމާލުވާންޖެހޭނެކަމަށް ބުނެފައެވެ. 

މި އަމަލުގެ ސަބަބުން، މިިއުޒީޝަނުންގެ އަގުވެސް ވެއްޓިފައިވާކަމަށް އެ ސިޓީގައި ބުނެފައިވެއެވެ. 

"ކިސީ ކާ ބައި ކިސީ ކީ ޖާން" ގެ ކާސްޓުންގެ ތެރޭގައި ވެންކަޓޭޝް، ޕޫޖާ ހެގްޑޭ، ޖަގަޕަތީ ބާބޫ، ޖަސީ ގިލް، ރާގަވް ޖުޔާލް، ސިދާތު ނިގަމް، ބުމިކާ ޗަވްލާ، ބަގްޔާޝްރީ، ޝެހެނާޒް ގިލް، ވިޖެންޑާ ސިންގް އަދި ޕަލަކް ޓިވާރީ ވެސް ފެނިގެންދެ އެވެ.

އޭޕްރީލް 21 ވަނަ ދުވަހު ސިނަމާތަކަށް ރިލީޒްކުރި މި ފިލްމަށް އިންޑިއާގެ ބޮކްސް އޮފީހުގައި ގާތްގަނޑަކަށް 84.84 ކްރޯޑް ކްރޯޑް ރުޕީޒް މިހާރު ވަނީ ހޯދާފައެވެ.