އާލިއާ ބަޓް އަދި ރަންބީރު ކަޕޫރު
ރަންބީރަކީ ވަރަށް ނާޒުކު މީހެއް: އާލިއާ ބަޓް
އައިޝަތު ނޫރާ
26 އޭޕްރީލް 2023 - 21:45:03
ބޮލީވުޑްގެ ތަރި ރަންބީރު ކަޕޫރަކީ ވަރަށް ނާޒުކު މީހެއްކަމަށް އޭނާގެ އަންހެނުން އަދި ބޮލީވުޑްގެ މަޝްހުރު ތަރި އާލިއާ ބަޓް ބުނެފިއެވެ.
Advertisement
އާލިއާ އިންޑިއާގެ ބައެއް ނޫސްތަކާ ވާހަކަ ދައްކަމުން ބުނީ، ރަންވިރުގެ ނާޒުކު ކަން އެމީހުންނަށް ދަރިއެއް ލިބުނު ފަހުން އިތުރުވެފައިވާކަމަށެވެ.
އާލިއާއާއި ރަންބީރަށް ވަނީ މިދިޔަ އަހަރު ނޮވެންބަރު 6 ވަނަ ދުވަހު އަންހެން ކުއްޖަކު ލިބިފައެވެ. އެ ކުއްޖާގެ ނަމަކީ ރަހާ ކަޕޫރު އެވެ.
"ދަރިފުޅު ލިބުމުން އެކަން އިއުލާނުކުރަން ވެސް ޕޯސްޓެއް ލިޔެފަ އެވެސް ބަދަލުކޮށްލީ. އަނެއްކާވެސް އެހެން ގޮތަކަށް ބަދަލުކޮށްލާނެ. އޯކޭތޯ އަހާނެ. އެއީ ވަރަށް ނާޒުކު މީހެއް. ރަހާ ލިބުނުފަހުން ނާޒުކުކަން ވީ އިތުރު،" އާލިއާ ބުންޏެވެ.
އާލިއާ ބުނީ ރަންބީރަކީ އެންޒައިޓީ ވެސް ހުންނަ މީހެއްކަމަށެވެ. މީގެ އިތުރުން އާލިއާ ބުނީ ރަހާ އާއި ރަންބީރު އެކުގައި ފެނުމުން ވަރަށް އުފާވާކަމަށެވެ.
އާއިލާގެ ދަރިފުޅު ވިހައިގެން ފަސް މަސް ދުވަސް ވީއިރުވެސް އެ ދަރިފުޅުގެ ފޮޓޯއެއް އަދިވެސް އާންމެއް ނުކުރެއެވެ.
ގިނަބަޔަކު އަންނަނީ އެމީހުންގެ ދަރިފުޅުގެ ދެކިލުމަށް އިންތިޒާރުކުރަމުންނެވެ.
0%
ކަމުގޮސްފި
33%
އަޑުއެހިތާ މިހުރީ
33%
ސަތޭކައަކުން ސުމެއް
33%
ވަރަށް ސަލާމް
ކޮމެންޓްސް
