ޕީޖީން ބުނީ މި މައްސަލަ ކްރިމިނަލް ކޯޓަށް ހުށަހެޅިއިރު މިމައްސަލާގައި ހިމެނޭ ފައިސާ ދައުލަތަށް ނަގައިދިނުމުގެ އަމުރެއް ނެރެދެއްވުމަށް އެދުނު ނަމަވެސް ހުކުމުގައި އެކަމަށް ރިއާއަތްކޮށްފައި ނުވާކަމަށެވެ.
މިމައްސަލާގައި ކުރިމިނަލް ކޯޓުން ފަހުން ނެރުނު އަމުރު ރައީސް ޔާމީންގެ ފަރާތްޕުޅުން ހައިކޯޓްގައި އިސްތިއުނާފް ކުރުމުން، އެކޯޓުން ވަނީ ދަށުކޯޓްގެ އަމުރު ބާތިލްކޮށްފައެވެ.
ޕީޖީން ބުނީ އާރަށް މައްސަލާގައި ކުރިމިނަލް ކޯޓުން ކުރި ހުކުމުގައި ފައިސާއާމެދު ގޮތެއް ކަނޑައަޅާފައިނުވާތީ އެމައްސަލަ މިމަމުގެ ހަތް ވަނަ ދުވަހު ހައިކޯޓަށް އިސްތިއުނާފަށް ހުށަހަޅާފައިވާ ކަމަށެވެ.
ދައުލަތަށް ނަގާދިނުމަށް ޕީޖީން ހައިކޯޓްގައި އެދިފައިވަނީ އާރަށް މައްސަލާގައި ރައީސް ޔާމީން ލޯންޑަ ކުރިކަމަށް ސާބިތުވެފައިވާ އެއް މިލިއަން އެމެރިކާ ޑޮލަރާއި، އެ ފައިސާއާ އެއްކޮށްފައިވާ 2،413،230 (ދެމިލިއަން ހަތަރުލައްކަ ތޭރަހާސް ދުއިސައްތަ ތިރީސް) އެމެރިކާ ޑޮލަރާއި މި ފައިސާ އިންވެސްޓްކޮށްގެން ލިބިފައިވާ މަންފާ ކަމަށް ޕީޖީން ބުނެއެވެ.
