ބިޒީ ދުވަސްތަކަކަށް ފަހު ރައްޓެހިންގެ ގްރޫޕަކަށް ކުޑަ ތިލަފުއްޓަށް އާދެވުމުން އެމީހުންގެ ހިތްހަމަޖެހުން އިތުރުވެގެންދިޔައެވެ. އެމީހުން އެ ރަށަށް ދިޔައީ 10 ވަރަކަށް ދުވަހުގެ ޗުއްޓީއަކަށް ތައްޔާރުވެގެން، ކާބޯ ތަކެއްޗާއި، ޓެންޓާއި ފެން ވެސް ހިފައިގެންނެވެ.
މުޅި ދުވަހު ކުޅިވަރާއި މަޖަލުގައި އުޅުމަށްފަހު ފުރަތަމަ ރޭ އިރު އޮއްސުމާއެކު ދުރުގައި ތޫފާނެއް އުފެދި، ރަށުގެ މައްޗަށް ނުބައި ހިޔަންޏެއް އެޅުނެވެ. އެމީހުންނަށް އޭރު ދިމާވާން އުޅުނުނީ ކޮންފަދަ ނުރައްކަލެއްކަމެއް އޭރު ނޭގެއެވެ. އެންމެންވެސް ތިބީ ވަރަށް އަޖައިބުވެފައެވެ. ސަބަބަކީ މޫސުން ރަނގަޅުވާނެކަމަށް މެޓުން ގޮވާފައި ވަނިކޮށް ބޮޑު ތޫފާނެއް ފަދަ ކޮޅިގަނޑެއް އުފެދޭތީއެވެ.
ރޭގަނޑުގެ އަދިނދިރިކަން ފުންވަމުން ދިޔަ ވަރަކަށް އާދަޔާ ހިލާފު ހާދިސާތަކެއް ހިނގަން ފެށިއެވެ. ވައިގެ ތެރޭގައި ކުއްލިއަކަށް ހުނުމުގެ އަޑު އިވެންފެށިއެވެ. ނަމަވެސް އެ ގުރޫޕުން އެންމެ ފުރަތަމަ ނިންމީ އެއީ ކޮންމެވެސް އެއްޗަކަށް ވައި އެޅޭތީ އިވޭ އަޑެއްކަމަށެވެ.
އެކަމަކު ރޭތައް ފާއިތުވަމުން ދިޔަ ވަރަކަށް ބިރުވެރިކަން އިތުރުވަމުން ދިޔައެވެ. އެއްބަޔަކު އަނެއްބަޔަކާ އެކުވެރިންނަށް ތަޖުރިބާ ކުރެވުނީ ވިސްނައިދޭން ނޭނގޭ ބަދަލުތަކެއް އެމީހުންގެ އުޅުމަށް ވެސް އަންނަންފެށިއެވެ. ދަތުރުގޮސް ތިބި ގުރޫޕުގެ މީހުންނަށް ބިރުވެރި ހުވަފެންތަކެއް ފެންނަންފެށިއެވެ. މަޑުމަޑުން ހުވަފެންތަކުގައި ފެންނަ ބިރުވެރި މަހުލޫގު އެމީހުންނަށް ރަށުތެރެއިންވެސް ފެންނަން ފެށިގެން ހީވިއެވެ.
އެ ރަށުގެ ސިއްރުތައް އެމީހުންނަށް ކިޔައިދިނީ އެމީހުން އެރަށް ދިޔަތާ ދެތިން ދުވަސް ފަހުން މަޝްހޫރު މަސްވެރިއެއް ކަމަށްވާ ސައީދު އެރަށު ފަރުން އެން ނަގަން ގޮސް އުޅެނިކޮށް ދަތުުރުގޮސްތިބި ގުރޫޕާ ދިމާވެގެންނެވެ. އެރަށަށް ދިމާވެފައިވާ ޤަދީމީ ލައުނަތެއްގެ އިންޒާރު އެ ގްރޫޕަށް ސައީދު ދިނެވެ. އެއީ ބާރުގަދަ ސިހުރުވެރިއެއް އެރަށުގެ ފަރު މައްޗަށް ޖިންނިއެއް ކަނޑު ފެއްތުމުން ދިމާވި ކަމެއްކަމަށް އޭނާ ކިޔައިދިނެވެ. އެ ޖިންނީގެ ހަމަޖެހުމެއް ނެތް ރޫޙު ބަދަލު ހިފުމަށް ހޯދީ، މައުސޫމް މީހުން ބިރުގެންނެވުމާ ގޯނާ ކުރުންކަމަށް ސައީދު ބުންޏެވެ.
ސައީދު ދިން މައުލޫމާތާއެކު އެ ރަހުމަތްތެރިންގެ ގުރޫޕަށް އެ ރަށުގެ ތާރީހުގެ ތެރެއަށް ފުންކޮށް ވަދެގެން ދިޔައެވެ. ސައީދު ދިން މައުލޫމާތާއި އެއްގޮތައް އެ ރަށުގެ ވަލުތެރެއިން ކޮންމެވެސް ވަރަކަށް ރާނާފައި އަދި އަރަބި ލިޔުންތަކުން ޒީނަތްތެރިކޮށްފައިވާ ކޮޓަރިއެއް ފެނުނެވެ. އެ ކޮޓަރިން ފެނުނު ލިޔުންތަކަކީ އެއް ޒަމާނެއްގައި އެރަށުގައި އުޅޭ ޖިންނިއާއި ހަނގުރާމަކުރަން ބޭނުންކުރި ލިޔުންތަކެއްކަން އެމީހުންނަށް އެނގުނެވެ.
އެ ގުރޫޕުން ނިންމީ އެރޭ އެ ކޮޓަރި ތެރޭގައި ހޭދަކޮށް، އެ ކޮޓަރިން ފެނުނު ރުގުޔާގެ އާޔަތްތައް ކިޔެވުމަށެވެ. އެރޭވެސް އެމީހުންނަށް ބިރުވެރިކަމާ ދިމާވާން ފެށުމާއެކު، ފާރުތަކުގައި ލިޔެފައި ހުރި އާޔަތްތައް ކިޔަވަން ފެށިއެވެ. މުޅިރަށް ކުއްލިއަކަށް އަލިކަމެއް ދައުރުވެ، ކޮންމެ ރެެއަކު އެރަށް ދިމާވާ ނުރައްކާތެރިކަން ނިމަމަށް އައެެވެ. ވައިގެ ތެރޭގައި އިވޭ ބިރުވެރި ހުނުންތައް ކުއްލިއަކަށް ހުއްޓުނެވެ.
އަބަދުގެ އަބަދަށް އެ ރަށް އެ ނުލަފާ ޖިންނީގެ ކިބައިން ސަލާމަތްވިކަމަށް އެމީހުން ނިންމިއެވެ. އެމީހުން ކުޑަތިލަފުށި ދޫކޮށް ދިޔައީ އަލިކަމާއި އަނދިރިކަމުގެ ރޮނގު ގިނަ ފަހަރަށް ފޮރުވިފައި ހުންނަކަން ދަނެގެންނެވެ.
މިއަދާ ހަމައަށްވެސް ކުޑަ ތިލަފުއްޓަކީ އޭގެ ރީތިކަން ހޯދާ މީހުންނަށް ޖާދޫވެރި ސުވަރުގެއެއްގެ ގޮތުގައި ދެމިއޮތް ޖަޒީރާއެކެވެ. އެރަށުގެ ފަރަކީ މަސް ހިފާ މީހުންނާއި، މަސް ބާނާ މީހުންނަށް ނުހަނު ކަމުދާ ފަރެކެވެ. އެ ފަރުގައި ދިރިއުޅުނު ގަދީމީ ޖިންނީގެ ނިމުން އައިކަމެއް ނުވަތަ ކޮންމެވެސް ޒަމާނަކުން އެ ޖިންނި އަނބުރާ އައުމަކީވެސް އެކަށީގެންވާކަމެކެވެ.
-ނިމުނީ-
