"ކާސާ އަޗުސެނާ" ގެ ނަމުގައި ހަދާފައިވާ މި ގެ ފަރުމާކޮށްފައިވަނީ ބްރެޒިލްގެ ކުންފުންޏެއް ކަމަށްވާ "ޓެޓްރޯ" އިންނެވެ.
ކާސާ އަޗުސެނާ އަކީ ވަރަށް ތަފާތު ސްޓިލްޓްތަކެއްގެ މައްޗަށް ބިނާކޮށްފައިވާ ތަނެކެވެ. މުޅި ގެ ވަށައިގެން ބިޔަ ގަސްތައް ހުރި އިރު، އެގޭގައި ބޮޑު ސިޓިންރޫމަކާއި ބަދިގެއަކާއި ދެ ކޮޓަރިއާއި ފާހާނާއެއް ހުރެއެވެ. އަދި ސްވިމިން ޕޫލަކާއި ޑެކެއް ވެސް ހުރެ އެވެ.
އެ ގެ ފަރުމާކޮށްފައި ވަނީ ތިމާވެއްޓާ ރައްޓެހި ގޮތަކަށެވެ. އެއީ ދެމެހެއްޓެނިވި ތަކެތިން ހަދާފައިވާ އަދި އިރުގެ ހަކަތައިން ކަރަންޓް އުފައްދާ ގެއެކެވެ. އެގޭގައި ވާރޭފެން އެއްކުރުމުގެ ނިޒާމެއް ވެސް ގާއިމްކޮށްފައިވެ އެވެ.
ކާސާ އަޗުސެނާ
ބައިނަލްއަގްވާމީ "އާކިޓައިޒާ އޭ+ އެވޯޑްސް" ގައި "ޕޮޕިއުލާ ޗޮއިސް އެވޯޑް" ކާސާ އަޗުސެނާ ކިޔާ މިގެއަށް ލިބިފައިވެއެވެ. މި އެވޯޑަކީ މުބާރާތުގައި އެންމެ މަގުބޫލު ޕްރޮޖެކްޓަށް ދޭ އެވޯޑެކެވެ.
ކާސާ އަޗުސެނާގެ އާކިޓެކްޓުން ބުނާ ގޮތުގައި އެމީހުން ބޭނުންވީ ގުދުރަތީ މާހައުލާ ގުޅިފައިވާ ގެއެއް އުފެއްދުމަށެވެ. އަދި އެމީހުން ބޭނުންވީ އަރާމު އަދި ގިނަބައެއްގެ ސަމާލުކަން ލިބޭނެ ގެެއެއް އެޅުމަށެވެ.
ކާސާ އަޗުސެނާ އަކީ ދެމެހެއްޓެނިވި ގޮތެއްގައި އާކިޓެކްޗާގެ ތަފާތު އައުކަންކަން އީޖާދުކުރާ ބައެކެވެ. އެއީ ތިމާވެއްޓާ ރައްޓެހި އަދި އަރާމު ގެދޮރު އަޅާނެ ގޮތުގެ ނަމޫނާ ދައްކާ ކުންފުޏެކެވެ.
