މިދިޔަމަހު ބޭހުގެ މުއްދަތު ހަމަވެފައިވާކަމަށްބުނެ ފޭސްބުކްގައި މީހަކު ވަނީ ނުރުހުންފާޅު ކޮށްފައެވެ. އަދި ޑެސްފަރޯލަކީ ލިބެން ޖެހޭ ބޭހަކަށް ވިޔަސް ނުލިބުމުން ނުގުޅާ ހުންނަންވީތޯވެސް ސުވާލު ކޮށްފައިވެއެވެ.

ހެލްތު މިނިސްޓްރީގެ މީޑިއާ ޑިރެކްޓަރު އައިމިނަތު ޝަތުފާ ޝަފީއު ވިދާޅުވީ އެބޭހުގެ ބަދަލުގައި ބޭނުންކުރާ ބޭސް ރާއްޖޭގައި މިހާރުވެސް ލިބެން އެބަހުރި ކަމަށާއި ބޭސްލިބުން ލަސްވެފައިވަނީ ފެކްޓަރީގެ މައްސަލައެއްގެ ސަބަބުން ކަމަށެވެ.

ފޭސްބުކްގައި ނުރުހުން ފާޅުކުރި މީހާ ބުނީ އިއްޔެ ރޭ އޭނާ ވަނީ ލޭ އަޅައިފައި ކަމަށާއި، އެކަމަކު ވީ އެންމެ އަވަހަށް ޑެސްފަރޯލް ބޭނުންވާ ކަމަށެވެ.

އޭނާ ވަނީ ބޭސް ލިބޭނެ ގޮތެއް އޮތްކަން އެނގޭތޯވެސް ޕޯސްޓުގައި ސުވާލުކުރި އެވެ.