ޝާހިދު ކަޕޫރު ދިން އިންޓަވިއުއެއްގައި ވަނީ އޭނާގެ ބައްޕަ ޕަންކާޖް ކަޕޫރުގެ ސަބަބުން އިންޑަސްޓްރީގައި އޭނާއަށް ކުރިއެރުން ލިބުނު ކަމަށް ހީކުރާ މީހުންނަށް ރައްދު ދީފަ އެވެ.
ބުރަކޮށް މަސައްކަތް ކުރަމުން އަންނަތާ 20 އަހަރު ވެފައިވާ ކަމަށާއި މިއަދު ހުރި ހިސާބަށް ދިއުމަށް ދަތިތަކެއް ކުރިމަތިވި ކަމަށް ވެސް އޭނާ ބުންޏެވެ.
އޭނާއަކީ "ނެޕޮޓިޒަމްގެ" (އާއިލާ މީހުންނަށް ނާޖާއިޒު މަންފާހޯދުން) އުފެއްދުމެއް ނޫން ކަމަށާއި އޭނާގެ ކާމިޔާބީ ހޯދީ އަމިއްލައަށް ކަމަށް ވެސް އޭނާ ބުންޏެވެ.
ޕަންކާޖް ކަޕޫރަކީ ކާކު؟
ޕަންކާޖް ކަޕޫރަކީ ހިންދީ ތިއޭޓަރ، ޓީވީ، އަދި ފިލްމުތަކުގައި މަސައްކަތްކޮށްފައިވާ އިންޑިއާގެ އެކްޓަރެކެވެ. އޭނާ ވަނީ ޓީވީގެ ބައެއް ސިލްސިލާތަކާއި ފިލްމުތަކުން ފެނިގެން ގޮސްފައެވެ. އޭނާ އަކީ ފިލްމްފެއާ އެވޯޑަކާއި ގައުމީ ފިލްމީ ތިން އެވޯޑެއް ހިމެނޭ ގޮތަށް އެތައް އެވޯޑެއް ލިބިވަޑައިގެންފައިވާ މޮޅު ފަންނާނެކެވެ.
މިހާތަނަށް އޭނާ އެންމެ ބޮޑަށް ތައުރީފުކޮށްފައިވާ ފިލްމީ ރޯލުތަކުގެ ތެރޭގައި "އިންސްޕެކްޓާ ޕީ.ކޭ. ރާކް" (1989)،، "އެކް ޑޮކްޓާ ކީ މައުތް" (1991)، އަދި "ޑރ. މަޤްބޫލް" (2004) ފާހަގަކޮށްލެވެއެވެ.
އޭނާ އަކީ އިންޑިއާގެ ސިނަމާގެ އެންމެ މޮޅު އެއް އެކްޓަރުގެ ގޮތުގައި ގިނަ ބަޔަކު ދެކޭ ފަންނާނެކެވެ.
