މާނައަކީ އިންޑިއާ މިހާރު އޮތީ ތޫފާނުގެ މަގުގައި ނޫން ކަމަށާއި އެހެންކަމުން އެކަމުގެ ސަބަބުން އެއްވެސް ގެއްލުމެއް ލިބުމުގެ ފުރުސަތު ކުޑަ ކަމަށެވެ.
އިންޑިއާއަށް ނޭރި ނަމަވެސް އެ ތޫފާނާއި ގުޅިފައިވާ ވިލާތައް ރާއްޖޭގެ އުތުރާއި މެދު ރާއްޖެތެރޭގެ ބައެެއް ސަރަހައްދުތަކުގައި ދައުރުވަމުން ދާ މަންޒަރު މިއަދުގެ ސެޓްލައިޓް ފޮޓޯތަކުން ވަނީ ފެނިފައެވެ.
ދިވެހިރާއްޖޭގެ މޫސުމާބެހޭ ގައުމީ އިދާރާއިން މި ތޫފާނާ ގުޅޭގޮތުން ވަކި އެއްޗެއް އަދި ހާމަ ނުކުރިނަމަވެސް، ކުރިއަށް 72 ގަޑިއިރު މުޅި ރާއްޖެއަށް ވިއްސާރަކުރާނެކަމަށް އެ އިދާރާގެ ވެބްސައިޓުގައި ފާހަގަކޮށްފައިވެއެވެ.
ރާއްޖޭގެ މެދުރާއްޖެ ތެރެއަށް ވެސް ކެރީގެ އަސަރު ކުރާނެކަމަށާއި، ވިލާގަނޑުގައި ކަނޑު ގަދަވުން އެކަށީގެންވާކަމަށް މެޓުން ވަނީ ބުނެފައެވެ.
މެދު ރާއްޖެއާއި އުތުރަށް ރާޅުގެ އުސްމިން ތިން ފޫޓާ ހަ ފޫޓާ ދެމެދުގައި ހުރުން އެކަށީގެންވާކަމަށް ވެސް މެޓުން ބުނެއެވެ.
މި ތޫފާނުގެ ސަބަބުން އިންޑިއާގެ ކެރެލާ އަށް މޫސުން ގޯސްވާނެކަމަށް ލަފާކޮށްފައިވީނަމަވެސް، އިންޑިއާގެ މޫސުމާބެހޭ އިދާރާތުން ވަނީ މިއަދު އެ އެލާޓު އެ ހަފްތާއަށް ލަސްކޮށްފައެއެވެ.
