ސިވިލް ސޮސައިޓީ އެވޯޑް ދިނުމުގެ ޖަލްސާގައި ވާހަކަފުޅުދައްކަވަމުން ރައީސް ސާލިހު ރޭ ވިދާޅުވީ އިންސާނީ ހައްގުތައް ހިމާޔަތްކޮށް ރައްކާތެރިކުރުމުގެ ހަރަކާތްތައް އެބައެއްގެ ތެރޭގައި ހިންގައިދޭ މައި ތަނބަކީ މަދަނީ ޖަމިއްޔާތައްކަމަށެވެ.
ޖަމިއްޔާތުން ތިމާވެއްޓަށް ހާއްސަ ސަމާލުކަމެއްދޭން ޖެހޭކަން ވެސް ރައީސް ސާލިހު ފާހަގަކުރެއްވިއެވެ.
މަދަނީ ޖަމިޔާތަކުގެ ދައުރު މިހާރަށް ވުރެ ފުޅާކުރެވިއްޖެ ނަމަ، އަމާޒަށް ވާސިލުވުން ވަރަށް ފަސޭހަވާނެ ކަމަށް ރައީސް ވިދާޅުވިއެވެ. އޭގެ ތެރެއިން ވެސް އެންމެ ބޮޑު ސަމާލުކަމެއް މިވަގުތު ދޭންޖެހޭ އެއް ކަމަކީ، އެއް ފަހަރު ބޭނުންކޮށްފައި އުކާލާ ޒާތުގެ ޕްލާސްޓިކް ބޭނުންކުރުން ހުއްޓައިލުން ކަމަށާއި، އެކަމަށްޓަކައި އެންމެން ބައިވެރިވެގެން ހާއްސަ މަސައްކަތްތަކެއް ފެށުމުގެ ވަގުތު ޖެހިފައިވާ ކަމަށެވެ.
ރައީސުލްޖުމްހޫރިއްޔާގެ ވާހަކަފުޅުގައި މަދަނީ ޖަމްއިއްޔާތަކުގެ އެވޯޑް ހާސިލްކުރި 10 ޖަމްޢިއްޔާއަށް ތަހުނިޔާ ވިދާޅުވިއެވެ.
