އުއްތަރަ ޕްރަދޭޝްގެ ބާލިއާގެ ހޫނުމިން ހޮނިހިރު ދުވަހު 47.5 ޑިގްރީ ސެލްސިއަސް އަށް އަރާފައިވާއިރު، މިއީ މިއަހަރު އެ ސްޓޭޓުގައި ހޫނު މިހާ ގަދަވި ފުރަތަމަ ފަހަރެވެ.
ކުރިއަށް އޮތް ދެ ދުވަހުގެ ތެރޭގައި އިންޑިއާގެ ހުޅަނގު އުތުރާއި މެދުތެރެ އަދި އިރުމަތީ ސަރަހައްދުގެ ހޫނުގަދަވާނެ ކަމަށް އިންޑިއާ މީޓިއޮރޮލޮޖިކަލް ޑިޕާޓްމަންޓް (އައިއެމްޑީ) އިން ލަފާކޮށްފި އެވެ.
މީގެ އިތުރުން ދިއްލީ، ހަރިޔާނާ، އުއްތަރު ޕްރަދޭޝް، ޕަންޖާބު، ރާޖަސްތާން، މަދްޔަ ޕްރަދޭޝް، ޖަރުކަންދު، ޗައްޓީސްގަރް، ބިހާރު، ވެސްޓް ބެންގަލް، އޮޑިޝާ އަދި ޓެލަންގާނާގައި ވެސް ހޫނު ރާޅު އަރާނެ ކަމަށް އައިއެމްޑީން ވަނީ ޔެލޯ އެލާޓް ނެރެފައެވެ.
ހޫނުގަދަވުމުން ދުރުހެލިވުމާއި، ހައިޑްރޭޓް ވުމާއި، ތުނި ހެދުން އެޅުމަށް އިލްތިމާސް ކޮށްފައިވެއެވެ. އަދި ދުވާލުގެ އެންމެ ހޫނު ވަގުތުތަކުގައި ބުރަކޮށް ހަރަކާތްތެރިވުމުން ދުރުހެލިވާން ޖެހެއެވެ. އެކަމުގެ ސަބަބުން ގެއްލުން ލިބުނު މީހުންނަށް އެހީ ދިނުމަށް ސަރުކާރުން ވަނީ ޓީމްތަކެއް ނެރެފައެވެ.
ހޫނު ރާޅަކުން ރައްކާތެރިވުމަށް އެޅިދާނެބައެއް ފިޔަވަޅުތައް:
ކަރުނުހިއްކިއަސް ގިނައިން ފެން ބޯށެވެ.
ބަނގުރަލާއި ކެފެއިން ބޭނުންކުރުމުން ދުރުހެލިވާއިރު، މިއީ ޑީހައިޑްރޭޓް ވެދާނެ ކަންކަމެވެ.
ލުއި، ތާޒާ ކާނާ ކާށެވެ.
ވީހާވެސް ގިނައިން ގޭތެރޭގައި ވަގުތު ހޭދަކުރާށެވެ. ހާއްސަކޮށް ދުވާލުގެ އެންމެ ހޫނު ވަގުތު ގޭތެރޭގައި މަޑުކުރާށެވެ.
ބޭރަށް ނުކުންނަން ޖެހޭނަމަ ލުއި ފިޓް، ފަނޑު ކުލައިގެ ހެދުމެއް ލައިގެން އުޅެންއުޅޭށެވެ.
އެސްޕީއެފް 30 ނުވަތަ އެއަށްވުރެ މަތީގެ ސަންސްކްރީނެއް ބޭނުން ކުރާށެވެ.
ފިނި ފެނުން ފެންވަރާށެވެ.
ހޫނު ސްޓްރޯކް ޖެހުމުގެ އަލާމާތްތައް ފެނޭތޯ އަމިއްލަ ނަފްސާއި އެހެން މީހުން މޮނިޓަރ ކުރަމުން ގެންދާށެވެ.
