މިއަދުން ފެށިގެން އަންނަ މަހުގެ ނިޔަލަށް ކުރިއަށް ގެންދާ މި ޕްރޮމޯޝަން ފައްޓަވައިދެއްވީ އެސްޓީއޯގެ މެނޭޖިން ޑިރެކްޓަރު އަބްދުﷲ ސައީދު ކަމަށް އެ ކުންފުނިން ބުނެއެވެ.
އެސްޓީއޯއިން ބުނީ މި ޕްރޮމޯޝަނުގެ ދަށުން ގަންނަ މަކިޓާ އުފެއްދުންތަކުން 40 އިންސައްތަ އާ ހަމައަށް ޑިސްކައުންޓް ލިބޭނެ ކަމަށެވެ.
މަކިޓާ ޝޯރޫމުގެ އަހަރީ ދުވަސް ފާހަގަކުރުމުގެ ހަފުލާގައި އެ ޝޯރޫމުން ވަނީ ޖޫން 2022 އިން ފެށިގެން މެއި 2023 އަށް އެ ޝޯރޫމުން އެންމެ ގިނައިން ތަކެތި ގަނެފައިވާ ފަސް ފަރާތެއް ފާހަގަކޮށް، އެ ފަރާތްތަކަށް ހާއްސަ ހަދިޔާއެއް ދީފައި ކަމަށް އެސްޓީއޯއިން ބުނެއެވެ.
މަކިޓާ ޝޯރޫމުން އެންމެ ގިނައިން ތަކެތި ގަނެފައިވާ ފަރާތްތަކަށް ވަނީ ހަދިޔާދީފައި - ފޮޓޯ:އެސްޓީއޯ
އެސްޓީއޯއިން ބުނި ގޮތުގައި މިއަދުން ފެށިގެން މަކިޓާ ޝޯރޫމުން ވިޔަފާރި ކުރާ ކަސްޓަމަރުންގެ ތެރެއިން ކޮންމެ 25 ވަނަ ކަސްޓަމަރަކަށް ހާއްސަ ހަދިޔާއެއް ދެމުންގެންދާ ކަމުގައެވެ.
