ޖާބިރު އަދި ރައީސް ސާލިހު: ފޮޓޯ ވަން
ޖާބިރަަކީ ޒުވާނުންގެ ލީޑަރު: ރައީސުލްޖުމްހޫރިއްޔާ
ގުފްތަގް އަޖީރު
25 ޖޫން 2023 - 14:29:19
ޒުވާނުންގެ ގިނަބަޔަކު ކާށިދޫ ދާއިރާގެ މެންބަރު އަބްދުﷲ ޖާބިރަކީ ލީޑަރެއްގެ ގޮތުގައި ދެކޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
Advertisement
މިއަދު ހެނދުނު 11:00 ގައި ސްޓެލްކޯގައި ވަނީ އަބްދުﷲ ޖާބިރު އެމްޑީޕީއަށް ސޮއިކުރައްވާފައެވެ.
ރައީސް އެ ހަފްލާގައި ބައިވެރިވެ ވަޑައިގަތުމަށްފަހު މީޑިއާއަށް މައުލޫމާތު ދެއްވަމުން ވިދާޅުވީ، ޖާބިރު ނުކުތުމުން ގިނަބަޔަކު އެމްޑީޕީއާގުޅޭނެކަމަށެވެ.
"ޖާބިރުގެ ފޯރީގައި ނިކުތުމުން ވަރަށް ގިނަ ބައެއްގެ ތާއީދު އެމްޑީޕީއަށް ލިބޭނެ. ޒުވާނުން ޖާބިރު ދެކެނީ އެމީހުންގެ ލީޑަރުގެ ގޮތުގައި. ޖާބިރު އާއެކު ރިޔާސީ އިންތިހާބު ކާމިޔާބު ކުރުމަށް އެމްޑީޕީއަށް ފަސޭހަވެގެންދާނެ،" ކަމަށް ރައީސް ސާލިހު މިއަދު ވިދަޅުވިއެވެ.
ރައީސް ސާލިހު ވިދާޅުވީ ޖާބިރު އެމްޑީޕީއާ ގުޅުމަކީ އެމްޑީޕީއަށާއި އެމަނިކުފާނަށް ލިބުނު ވަރަށް ބޮޑު އެހީތެރިކަމަކާއި ކުރިއެރުމެއް ކަމަށެވެ.
ކުރިއަށް އޮތް ރިޔާސީ އިންތިހާބު ކާމިޔާބު ކުރުމުގައި ޖާބިރުގެ ހިއްސާ ވަރަށް ބޮޑަށް ލިބޭނެ ކަމަށް ރައީސް ސާލިހު ތަކުރާރުކޮށް މިއަދު ވިދާޅުވިއެވެ.
ޖާބިރަކީ މީގެކުރިން އުޅުއްވި ޕާޓީތައް:
- ޑީއާރުޕީ
- ޖުމްހޫރީ ޕާޓީ
- އެމްޑީޕީ
މިއީ ޖާބިރު އެމްޑީޕީއާ ގުޅިވަޑައިގެންނެވި ދެވަނަ ފަހަރެވެ.
33%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
67%
ވަރަށް ސަލާމް
ކޮމެންޓްސް
