"ބޮލީވުޑް ލައިފް" އަށް ދިން އިންޓަވިއުއެއްގައި އުރުފީ ބުނީ ޝޯ ދޫކޮށްލުމަށްފަހު އަބިޝެކް އޭނާއަށް އެހީތެރިވެދޭނެ ކަމަށް ވައުދުވި ނަމަވެސް އޭނާގެ ވައުދު ނުފުއްދަވާ ކަމަށެވެ.
އުރުފީ ބުނީ "އަބިޝެކް އަހަންނަށް ވައުދުވެފައި އޮތީ އަހަރެން ޝޯ ދޫކޮށްލުމަށްފަހު އެހީތެރިވެދޭނެ ކަމަށް. އަހަރެންގެ މަސައްކަތް ޕްރޮމޯޓްކޮށް އިތުރު ޕްރޮޖެކްޓްތައް ހޯދުމަށް އެހީތެރިވެދޭނެ ކަމަށް ބުނި. އެކަމަކު އެކަހަލަ ކަމެއް އޭނާ ކޮށްފައެއް ނުވޭ. ޖަވާބެއް ވެސް ނުދޭ އަހަރެންގެ މެސެޖުތަކަށް،" އުރުފީ ބުންޏެވެ.
އުރުފީ އިތުރަށް ބުނީ އަބީޝެކްގެ ސުލޫކާއި މެދު މާޔޫސްވާ ކަމަށެވެ.
އަބިޝެކް މަލްހާން
"އަހަރެން ހީކުރީ އަބިޝެކް އަކީ ރަނގަޅު މީހެއް ކަމަށް، އެކަމަކު އަހަރެން ގޯސްވީ. އޭނާ އަކީ ދޮގުވެރިއެއް އަދި ފޭކް ފްރެންޑެއް. މާ ލަސްވުމުގެ ކުރިން އޭނާގެ އަސްލު ކުލަތައް އެނގުނީތީ އަހަރެން އުފާކުރަން" އުރުފީ ބުންޏެވެ.
އުރުފީގެ ތުހުމަތުތަކަށް އަބިޝެކް އަދި ޖަވާބެއް ނުދެއެވެ.
