އޭނާ ދިރިއުޅޭނެ ގެއެއް ހޯދަން އުޅޭތާ ދުވަސްކޮޅެއް ވީނަމަވެސް އަދި ފުރިހަމަ ގެއެއް އޭނާއަކަށް ނުފެނެއެވެ. ދާދި ފަހުން ދިން އިންޓަވިއުއެއްގައި އޭނާ ބުނީ އޭނާ އަކީ "ވަރުބަލިކަމާއެކު ގެ ޝިކާރަކުރާ މީހެއް" ކަމަށެވެ.
ސާރާ ގޯއާ ދެކެ ލޯބިވާތީ އެތަނުގައި ގިނަ ވަގުތު ހޭދަކުރެއެވެ. އެ ސްޓޭޓްގައި ޗުއްޓީ ހޭދަކުރާ ގެއެއް ހުރި ނަމަވެސް އެތަނުން ވެސް ދާއިމީ ގެއެއް ގަންނަން ބޭނުންވެއެވެ. އޭނާ ހޯދަމުންދަނީ މޫދާ ކައިރި އަދި ބޭރުގައި ބޮޑު ޖާގަތަކެއް އޮންނަ ގެއެކެވެ.
ސާރާ އެންމެ ފަހުން ފެނިފައިވަނީ ޖޫން ދެ ވަނަ ދުވަހު ރިލީޒް ކުރި ފިލްމު "ޒާރާ ހަޓްކޭ ޒާރާ ބަޗްކޭ" އިންނެވެ.
މި ފިލްމަކީ ސަރުކާރުގެ ބޯހިޔާވަހިކަމުގެ ސްކީމަކަށް ޝަރުތު ހަމަވުމަށްޓަކައި ވަކިވާން މަޖުބޫރުވާ ޒުވާން ދެމަފިރިން ކަމަށްވާ ކަޕިލް (ވިކީ ކައުޝަލް) އާއި ސައުމްޔާ (ސާރާ އަލީ ހާން) ގެ ވާހަކަ ކިޔައިދޭ އާ ރޮމޭންޓިކް ކޮމެޑީއެކެވެ.
ލަކްޝްމަން އުޓޭކާ ޑައިރެކްޓްކޮށްފައިވާ މި ފިލްމަކީ ބޯމަން އިރާނީ، ސީމާ ޕަހުވާ، އަދި މަނޯޖް ޕަހުވާ ވެސް ފެނިގެންދާ ފިލްމެކެވެ.
