ޑެންގޫ ހުން ފެތުރޭ ސަބަބުތަކުގެ ތެރެގައި މިދުވަސްވަރަކީ ވިއްސާރަ މޫސުމަށްވުން ހިމެނޭކަމަށް އެ އެޖެންސީން ބުނެއެވެ.
"މަދިރި މަދުކުރުމަށް ފަރުދީ ފެންވަރުގައި މަސައްކަތް ކުރަންޖެހޭ. ތަފާސްހިސާބުތަކުން ދައްކާގޮތުން މިދުވަސްވަރު ޑެންގީ ހުން ޖެހޭ މިންވަރު އިތުރުވަމުންދާތީ ރައްޔިތުން މިކަމަށް ޚާއްސަ ސަމާލުކަމެއް ދޭން ޖެހޭ،" -އެޗްޕީއޭ-
ހުންއަންނަނަމަ ޕެރެސެޓެމޯލް ނުވަތަ ޕެނަޑޯލް ފިޔަވައި އެހެން ބޭހެއް ބޭނުން ނުކުރުމަށް އެ އެޖެންސީން އިލްތިމާސް ކުރެއެއެވެ.
މީގެ އިތުރުން އޭއީއެޗުން ވަނީ ފެން ހަރުލާތަކެތި ގޯތިތެރޭގައި މަގުމައްޗަށް އުލާނުލުމަށާއި ޑެންގީ ފަތުރާ މަދިރި އާލާވުމަށް މަގުފަހިވާ މިފަދަ ތަކެތި ނައްތާލުމަށް އިލްތިމާސްކޮށްފައެވެ.
އެޗްޕީއޭއިން އިއްޔެވެސް ވަނީ ޑެންގީގެ އިތުރުން އިންފުލުއެންޒާ ރޯގާ އަދި ވައިރަލް ހުން ފެތުރޭތީ ވެސް ސަމާލުވަމަށް އެދިފައެވެ. އެޖެންސީން ބުނީ ޗުއްޓީ ދުވަސްވަރުގައި ދަތުރުފަތުރުކޮށް ހަދާއިރު، ގައިދުރުކަމާއި އަތް ދޮވުމުގެ އާދަ ކުރިއަށް ގެންދިއުން މުހިންމުކަމަށެވެ.
