މިގޮތުން އިމްރާން ވިދާޅުވީ، ޑިނެފްސް މިނިސްޓަރުގެ ގެކޮޅަށް ދަންވަރު ފިސްތޯލެއް ވައްދައިގެން އެ ހޯދަން ސިފައިންނާ ފުލުހުން ރައީސް ސާލިހުގެ ވެރިކަމުގައި ނުވަންނާނެކަމަށެވެ. އަދި ނޭގި ހުއްޓާ އެތައް މިލިއަން ޑޮލަރެއް އިންވެސްޓުކޮށްފައިވާ، ރަށްތައް ދައުލަތަޢް ނަގައިގެން އެޑްމިޓް ކުރާ ހިސާބަށްވެސް ކަންކަން ނުދާނެކަމަށް ވެސް ހޯމް މިނިސްޓަރު އަދި އަދާލަތު ޕާޓީގެ ރައީސް ވިދާޅުވިއެވެ.
އިމްރާން އެ އިޝާރަތް ކުރައްވަނީ ކުރީގެ ރައީސް އަބްދުﷲ ޔާމިންގެ ވެރިަމުގައި ޑިފެންސް މިނިސްޓަރު ކަމުގައި ހުންނެވި ކާނަލް ނާޒިމްގެ ގެއަށް ފުލުހުން ވަދެ ފިސްތޯލު ގެންގުޅުނު ކަަމަށް ތުހުމަތުކޮށް ނާޒިމް ހައްޔަރު ކުރެވުނު ވާހަކައާއި، ރައީސް އަބްދުﷲ ޔާމިންގެ ވެރިކަމުގައި ކޯޓަށް ވަޑައިގަތުމަށް ގާސިމް އިބްރާހިމް އަށް ޗިޓް ލިބިވަޑައިގަތުމުން އާލާސްކަންފުޅު ޖެހިވަޑައިގެން ގާސިމް އިބްރާހިމް އެޑްމިޓް ކުރެއްވި ވާހަކަކަމަށް ބެލެވެއެވެ.
ޖުމްހޫރީ ޕާޓީގެ ފަރާތުން ކުރިއަށް އޮތް ރިޔާސީ އިންތިހާބުގައި ވާދަ ކުރައްވާނީ ގާސިމް އިބްރާހިމްއެވެ. އަދި އެމްއެންޕީގެ ފަރާތުން ވާދަކުރައްވަނީ ކާނަލް ނާޒިމް އެވެ. މި ދެ ބޭފުޅުންނަކީ މިވެރިކަން ފެށުނުއިރު ރައީސް ސާލިހާއެކު ކޯލިޝަން ހައްދަވައިގެން ތިއްބެވި ބޭފުޅުންނެވެ.
