މަނިޕީޫރުގައި ގިނަބަޔަކު ނުކުމެ ދެ އަންހެނުން ގަންހިންގުވާފައިވަނީ މިއަހަރުގެ މޭމަހުގެ 4 ވަނަ ދުވަހުއެވެ. ނަމަވެސް އެ ވީޑިއޯ އާންމުވެފައި ވަނީ މި ހަފްތާ ތެރޭގައެވެ. 

އެ ވީޑިއޯއިން ފެންނަނީ ލަޓުބުރިތަކާއެކު ތިބި ގިނަ އަދަދެއްގެ ފިރިހެނުން ދެ އަންހެނަކު ބަރަހަނާކޮށް ގަން ހިންގުވާ މަންޒަރެވެ. އަދި ފަހުން ދެ އަންހެނުން ރޭޕްކޮށް މަރާލާފައިވާކަމަށް ރިޕޯޓުތައް ބުނެއެވެ. ދެ އަހްންހެނުން ސަލާމަތްކުރަން މަސައްކަތްކުރި އެމީހުންގެ ތިމާގެ ފިރިހެނަކުވެސް މަރާލާފައިވާކަމަށް ރިޕޯޓުތައް ބުނެއެވެ. 

މި ހާދިސާއާ ގުޅިގެން އިންޑިއާގައި ގިނަބަޔަކު ރުޅިގަދަވެފައިވާއިރު، އިންޑިއާގެ ބޮޑުވަޒީރު ނަރެންދުރަ މޯދީ އާއި އިންޑިއާގެ އުއްތަމަ ފަނޑިޔާރު ޑީވައި ޗަންދްރަޗޫދު ވެސް ވަނީ އެ ހުތުރުއަމަލު ކުށްވެރިކޮށްފައެވެ.

ފުލުހުން ގޭންގު ރޭޕްގެ މައްސަލައެއް ހުޅުވައި، އެކަކު ހައްޔަރު ކުރި ނަމަވެސް، އެ އަމަލުގައި ބައިވެރިވި ގިނަބަޔަކު އަދިވެސް ތިބީ މިނިވަންކޮށެވެ. 

ސޯޝަލް މީޑިއާގެ ކުންފުނިތަކުގެ ޕްލެޓްފޯމްތަކުން އެ ވީޑިއޯ ޑިލީޓް ކުރުމަށް ވެސް އިންޑިއާ ސަރުކާރުން ވަނީ އެދިފައެވެ.

މަނިޕޫރުގައި ހިނގަމުން އަންނަ ހަމަނުޖެހުންތަކުގައި 130 މީހުން މަރުވެ، 60،000 މީހުން ގެދޮރު ދޫކޮށް ގޮސްފައިވެއެވެ. އަނިޔާކުރި ދެ އަންހެނުންނަކީ މެއިޓޭ މެޖޯރިޓީ ގްރޫޕްގެ އަމާޒުވެފައިވާ ކުކީ ގަބީލާ ކޮމިއުނިޓީގެ މެމްބަރުންނެވެ.

މި ދެ އަންހެނުންނަށް ދިން ހަމަލާއަކީ މަނިޕޫރުގައި މިހާރުވެސް ހިނގަމުންދާ އަނިޔާވެރިކަމުގެ ބިރުވެރި ހަނދާން އާކޮށްދޭ ކަމެކެވެ. އަދި އެއީ އިންޑިއާގައި ގިނަ ފަހަރަށް ޖިންސީ އަނިޔާގެ މައްސަލަތަކުގައި އަދަބު ނުލިބުމުގެ ހަނދާން އާކޮށްދޭ ކަމެކެވެ. އެ ކުށްވެރިން އިންސާފުގެ ކުރިމައްޗަށް ގެނައުމަށާއި އެފަދަ ހާދިސާއެއް ދެން ދުވަހަކުވެސް ނުހިނގާނެ ގޮތަށް ސަރުކާރުން އަވަސް ފިޔަވަޅު އަޅަން ޖެހެ އެވެ.

ހަމަނުޖެހުންތަކުގެ ފަހަތުގައިވަނީ ކޮންކަމެއް؟ 

މަނިޕޫރުގައި ހިނގަމުންދަނީ އެ ސްޓޭޓްގެ ބޮޑު ދެ ނަސްލެއް ކަމަށްވާ "މެއިޓޭ" އާއި "ކުކީ" އާއި ދެމެދުއެވެ. 

"މެއިޓޭ" އަކީ މަނިޕޫރުގެ މެޖޯރިޓީ ނަސްލެވެ. މިއީ އާބާދީގެ ގާތްގަނޑަކަށް %50 އެވެ. އެއީ ގަރުނުތަކެއް ވަންދެން މަނިޕޫރުގައި ވެރިކަން ކުރަމުން އަންނަ ހިންދޫ ނަސްލެކެވެ. 

"ކުކީ" އަކީ މަނިޕޫރުގެ މައިނޯރިޓީ ނަސްލެކެވެ. އެއީ އާބާދީގެ ގާތްގަނޑަކަށް %30 އެވެ. އެއީ އިންޑިއާގެ އެހެން ހިސާބުތަކުން މަނިޕޫރަށް ހިޖުރަކޮށްފައިވާ ކްރިސްޓިއަން ނަސްލެކެވެ.

"މެއިޓޭ" އާއި "ކުކީ" އާއި ދެމެދު އުފެދުނު ކޯޅުންތަކަކީ ދިގު ތާރީހެއް އޮތް ކޯޅުންތަކެކެވެ. އެއީ 19 ވަނަ ގަރުނުގެ ތެރޭގައި "މެއިޓޭއީ" ރަސްކަމުން "ކުކީ" ރަސްކަން ފަތަހަކުރި ދުވަސްވަރުން ފެށިގެން އުފެދިފައިވާ ހަމަނުޖެހުމެކެވެ. "ކުކީން" ދުވަހަކުވެސް "މެއިޓޭ" ގެ ވެރިކަން ގަބޫލު ނުކުރާއިރު، އޭގެ ފަހުން ދޭތެރެ ދޭތެރެއިން ދެ ޖަމާއަތުގެ މެދުގައި އަނިޔާވެރި އަމަލުތަކެއް ހިންގައެވެ. 

އެންމެ ފަހުން އަނިޔާވެރިކަން ފެށީ މި އަހަރުގެ މެއި މަހު، "މެއިޓޭ" ކޮމިއުނިޓީއަށް "ޝެޑިއުލްޑް ޓްރައިބް" ގެ ދަރަޖަ ދިނުމަށް ވިސްނުމަށް މަނިޕޫރު ހައިކޯޓުން ސްޓޭޓް ސަރުކާރުގައި އެދުމުންނެވެ. މި ދަރަޖައިގެ ސަބަބުން މެއިޓޭއަށް ވަކި ފައިދާތަކެއް ލިބިގެންދާނެއެވެ. އޭގެ ތެރޭގައި ސަރުކާރުގައި ރިޒާވް ކުރެވިފައިވާ ގޮނޑިތަކާއި ސަރުކާރުގެ ވަޒީފާތައް ލިބުން ފަދަ ފައިދާތަކެއް ލިބިގެންދާނެއެވެ. މަނިޕޫރުގެ "ކުކީން" ނާއި މައިނޯރިޓީ ނަސްލުތަކުގެ އެހެން ޖަމާއަތްތަކުން މި ފިޔަވަޅާ ދެކޮޅު ހަދަނީ މިއީ މެއިޓޭއަށް ނާއިންސާފު ފައިދާއެއް ލިބޭނެ ކަމެއް ކަމަށް ބުނެއެވެ.

އެ ހަމަނުޖެހުންތައް ވަރަށް އަވަހަށް އިތުރުވެ، ސްޓޭޓްގެ ބައެއް ހިސާބުތަކުގައި މެއިޓެއި އާއި ކުކީގެ ގިނަ ބަޔަކު ހަމަނުޖެހުން ހިންގިއެވެ. ގެތަކާއި ވިޔަފާރިތަކާއި ދީނީ ތަންތަން އަންދާލާފައިވެއެވެ. އެތައް ހާސް ބަޔަކު ގެދޮރު ދޫކޮށް ދިޔައެވެ.

އިންޑިއާ ސަރުކާރުން ވަނީ އެ ހަމަނުޖެހުންތައް ހައްލުކުރުމުގެ ގޮތުން މަނިޕޫރަށް ސިފައިން ފޮނުވާފައެވެ. ނަމަވެސް ހަމަނުޖެހުންތައް ކުރިއަށްދާއިރު، އެކަމުގެ ނިމުމެއް ފެންނަން ނެތްކަމަށް ރިޕޯޓުތައް ބުނެއެވެ.

މަނިޕޫރުގައި ހިނގަމުންދާ ނަސްލީ ހަނގުރާމައަކީ ތާރީހީ ފުން ބިންގަލެއް އޮތް ކޮމްޕްލެކްސް ކޯޅުންގަނޑެކެވެ. އެއީ އިންޑިއާގައި ނަސްލީ ތަފާތުކުރުމުގެ ގޮންޖެހުންތަކާއި، މައިނޯރިޓީ ނަސްލުތަކުގެ ޝަކުވާތައް ހައްލުކުރެވޭނެ ގޮތްތައް ސަރުކާރުން ހޯދަން ޖެހޭކަން ހަނދާންކޮށްދޭކަމެކެވެ.