އެޑިޔުކޭޝަން މިނިސްޓްރީގައި ބޭއްވި ރަސްމިއްޔާތެއްގައި އެ މަސައްކަތް ކުރުމަށް ހަވާލުކޮށްފައިވަނީ ވޯލްސީ ޕްރައިވެޓް ލިމިޓެޑާއެވެ.
ގޮއިދޫ ސްކޫލުގެ ސްޓާފްރޫމް އިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި އެޑިޔުކޭޝަން މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ސީނިއަ ޕޮލިސީ ޑިރެކްޓަރު ނައުޝާދު އިބްރާހީމެވެ. ވޯލްސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަފާފް ސައީދެވެ.
ގޮއިދޫ ސްކޫލުގެ ސްޓާފްރޫމް އިމާރާތުގެ މަސައްކަތަކީ 2022 ވަނަ އަހަރުގެ ޕީއެސްއައިޕީ ބަޖެޓުން ކުރިއަށް ގެންދާ މަސައްކަތެކެވެ.
ގޮއިދޫ ސްކޫލް ސްޓާފްރޫމް އިމާރާތުގެ މަސައްކަތް ހަވާލުކުރުން - ފޮޓޯ:އެޑިޔުކޭޝަން މިނިސްޓްރީ
ގޮއިދޫ ސްކޫލުގެ ސްޓާފްރޫމް އިމާރާތުގެ މަސައްކަތް ވޯލްސީ އާ ހަވާލުކޮށްފައިވަނީ 160 ދުވަހުގެ ތެރޭގައި މަސައްކަތް ނިންމާ ގޮތަށެވެ.
އެޑިޔުކޭޝަން މިނިސްޓްރީން ބުނީ ގޮއިދޫ ސްކޫލުގެ ސްޓާފްރޫމް އިމާރާތުގެ މަސައްކަތަށް 3.3 މިލިއަން ރުފިޔާ ހަރަދުވާނެ ކަމަށެވެ.
