ރިޕޯޓުތައް ބުނާގޮތުން އަނދިރީގައި ލޯބިވެރިޔާއާ ބައްދަލު ކުރެވޭތޯ ކޮންމެ ރެއަކު އެ ރަށުގެ ކަރަންޓު އޭނާ ކަނޑާލާތާ ދުވަސްތަކެއް ވެއްޖެއެވެ.
އެންމެ ފަހުން އެ ސަހަރުގެ މީހުން ވަނީ އެ ދެ މީހުން ކައިވެނި ކުރުވާފައެވެ.
މައުލޫމާތު ލިބިފައިވާ ގޮތުގައި އެ އަންހެން ކުއްޖާ ޕްރީތީ ކުމާރީ ލޯބިވީ އަވަށްޓެރި ރަށެއްގެ ރާޖްކުމާރު ނަމަކަށް ކިޔާ ފިރިހެން ކުއްޖަކާ އެވެ. ދެ ރަށުގެ މީހުންގެ މެދުގައި ޒުވާބުކުރާތާ ދުވަސްކޮޅެއް ވެފައި އޮތުމުން ޕްރީތީގެ މައިންބަފައިން ވަނީ ރާޖްކުމާރު ދިމާކުރުން މަނާކޮށްފައެވެ. ނަމަވެސް ޕްރީތީ އޭނާއާއެކު ހުންނަން އަޒުމް ކަނޑައެޅުމުން ކޮންމެ ރެއަކު ރަށުގެ ކަރަންޓް ކަނޑާލަން ފެށީ އަނދިރީގައި ބައްދަލުވެވޭތޯއެވެ.
ރަށުގެ ރައްޔިތުންނަށް އެންމެ ފަހުން ކަރަންޓް ކެނޑުމުގެ ސަބަބަކީ ކޮބައިކަން ހޯދައި، ޕްރީތީ އާއި ރާޖްކުމާރު އެކުގައި ހިފެހެއްޓިއެވެ. ނަމަވެސް ރުޅި އައުމުގެ ބަދަލުގައި ރަށުގެ މީހުން ނިންމީ އެ ދެ ލޯބިވެރިން ކައިވެނި ކުރުވުމަށެވެ. ދެރަށުގެ ދެމެދުގައި އުފެދިފައިވާ ދެބަސްވުން ނިމުމަކަށް ގެނައުމަށް ކައިވެންޏަކީ އެހީތެރިވެދޭނެ ކަމެއް ކަމަށް އެމީހުން ގަބޫލުކުރިއެވެ.
ޕްރީތީ އާއި ރާޖްކުމާރު ކައިވެނި ކުރީ ސަގާފީ ރަސްމިއްޔާތެއްގައި ކަމަށާއި، ރަށުގެ ރައްޔިތުން ވަނީ އެ މުނާސަބަތު ފާހަގަކޮށްފަ އެވެ. އޭގެ ފަހުން މި ވާހަކަ ވައިރަލްވެ، ލޯތްބާއި މާފުގެ ހިތްގައިމު މެސެޖަށް ގިނަ ބަޔަކު ވަނީ ތައުރީފުކޮށްފައެވެ.