ޕްލޭނިން މިނިސްޓްރީން އާންމުކޮށްފައިވާ ގަވައިދުގައި މަސްވެރިކަމާއި ދަނދުވެރިކަމާއި އިގްތިސޯދީ ބޭނުންތައް ފިޔަވައި އެހެން ބޭނުންތަކަށް ފަޅުރަށްރަށް ދޫކުރުމާ ބެހޭ ގަވާއިދުގައި ފަޅުރަށްތައް ދޫކުރެވޭ މުއްދަތަށް ވަނީ ބަދަލު ގެނެސްފައެވެ. އެގޮތުން އެ މުއްދަތު ފަސް އަހަރުން 21 އަހަރަށް މިހާރު އިތުރުކޮށްފައިވާ ކަމަށް ގަވާއިދުގައި ވެއެވެ.
މުއްދަތު އިތުރުކުރުމާ ގުޅޭ ޝަރުތުތަކަކީ އެ ރަށެއްގައި ކުރަން އެއްބަސްވި މަސައްކަތް ކަނޑައެޅިފައިވާ ޝެޑިއުލާ އެއްގޮތަށް ގެންގޮސްފައިވުމާއި މަސައްކަތުގެ 75 އިންސައްތަ ފުރިހަމަވެފައި އޮތުމެވެ.
ކުރަން ހުށަހަޅާފައިވާ އިންވެސްޓްމެންޓުގެ މަދުވެގެން 75 އިންސައްތަ ފައިސާ އިންވެސްޓްކޮށްފައިވުމެވެ.
މަސްވެރިކަމާއި އިގްތިސޯދީ ބޭނުންތައް ފިޔަވައި އެނޫން ބޭނުންތަކަށް ބޭނުންކުރާ ފަޅުރައްތަށް ކަނޑައަޅާނީ އެ ރަށް، ރަށު ކައުންސިލެއްގެ ނުވަތަ ސިޓީ ކައުންސިލެއްގެ އިހްތިސޯސަގައި ނުހިމެނޭނަމަ ވަޒީރުންގެ މަޖިލީހުގެ ކޮމިޓީގެ ލަފާގެ މަތީން، ރައީސުލްޖުމްހޫރިއްޔާއެވެ.
އިކޮނޮމިކް މިނިސްޓްރީންވެސް ވަނީ އިގުތިސާދީ ބޭނުންތަކަށް ބިޑަކާ ނުލައި ފަޅުރަށްރަށް 21 އަހަރަށް ކުއްޔަށް ދެވޭ ގަވާއިދެއް މިއަހަރު އެކުލަވާލާފައެވެ.
