އިންގްލެންޑުން މުބާރާތުގެ ދެވަނަ ބުރުގެ ޖާގަ ހޯދީ ގްރޫޕް ޑީގެ އެއްވަނަ ހޯދައިގެންނެވެ. އެޓީމު ވަނީ ގްރޫޕް ސްޓޭޖުގައު ކުޅުނު ތިން މެޗުވެސް ކާމިޔާބު ކޮށްފައެވެ.
ޗައިނާ އާއި އިންގްލެންޑު ކުޅުނު މެޗު އެޓީމުން ކާމިޔާބުކުރީ 6-1 ގެ ތަފާތު ބޮޑު ނަތީޖާއަކުންނެވެ. މި މެޗުގައި އެޓީމުގެ ލޯރެން ޖޭމްސް ވަނީ ދެލނޑު ޖަހާ، ތިން ލަނޑު ޖެހުމަށް އެހީތެރިވެދީފައެވެ.
ފުރަތަމަ ހާފުގައި އޭނާ އިތުރު ލަނޑެއް ޖެހިއެވެ. ނަމަވެސް ވީއޭއާރު ބެލުމަށްފަހު ރެފްރީ ވަނީ އެލަނޑު ބަލައިނުގަތުމަށް ނިންމާފައެވެ.
އިންގްލެންޑުގެ އިތުރުން، މި ގްރޫޕުން ދެވަނަ ބުރަށް ދަތުރުކުރީ ޑެންމާކެވެ. އެޓީމު ވަނީ ކުޅުނު ތިން މެޗުގެ ތެރެއިން ދެމެޗު ކާމިޔާބުކޮށް ހަ ޕޮއިންޓު ހޯދާފައެވެ. ގްރޫޕް ސްޓޭޖުގައި ޑެންމާކް ބަލިވީ އިންގްލެންޑް އަތުން އެކަންޏެވެ. އިންގްލެންޑު އަތުން ބަލިވި ޗައިނާ ކެޓީ އެއް މެޗުން މޮޅުވެގެން ލިބުނު ތިން ޕޮއިންޓާއެކުއެވެ. ހެއިޓީއިން މުބާރާތް ނިންމާލަން ޖެހުނީ ޕޮއިންޓެއް ނުލިބި ތަވާލުގެ ފުލުގައި އޮވެގެންނެވެ.
