ރައީސް ޔާމީން މިއަދު މިކަން ހާމަކުރެއްވީ ސުޕްރީމް ކޯޓުގައި ރައީސް ޔާމިންގެ ފަރާތުން އިލެކްޝަންސް ކޮމިޝަން (އީސީ)އާއި ދެކޮޅަށް ހުށަހަޅާފައިވާ މައްސަލައިގައި، އެމަނިކިފާނުގެ ދިފާއުގައި ވާހަކަ ދައްކަވަމުންނެވެ.
އީސީއާ ދެކޮޅަށް ރައީސް ޔާމިން މައްސަލަ ހުށަހެޅުއްވީ އެމަނިކުފާނުގެ ކެނޑިޑަސީ ގަބޫލުނުކުރަން ނިންމުމުންނެވެ.
ރައީސް ޔާމިން ވިދާޅުވީ އެމަނިކުފާނު ފްރޭމްކޮށްފައިވާކަމަށް ބެލެވޭ ހެކިތައް މިހާރު އެމަނިކުފާނަށް ލިބިލައްވާފައިވާކަމަށެވެ.
ކްރިމިނަލް ކޯޓުގައި މިހާރު ކުރިއަށްދާ ފުއްގިރި ކުއްޔަށް ދިނުމުގެ މައްސަލައިގެ އަޑުއެހުންތަކާމެދު ހިތްހަމުޖެހުން ފާޅުކުރައްވައި ރައީސް ޔާމިން މިއަދުވިދާޅުވީ ކްރިކް ރިޒާގެ ދައުވާތައް ވެސް މިހާރު ދައުލަތުން އަނބުރާ ގެންގޮސްފައިވާކަމަށެވެ.
ރައީސް ޔާމިން ވިދަޅުވީ މާލީ ބަޔާންވެސް ހެއްކެއްގެ ގޮތުގައި ހުށަހަޅާފައިވާނެކަމަށެވެ. އަދި އެ ބަޔާނުންވެސް އެ ބޭފުޅާގެ އެކައުންޓުގައި ދެ މިލިއަން ޑޮލަރަށްވުރެ ގިނަ ދިވެހި ރުފިޔާ އެމަނިކުފާނުގެ އެކައުންޓުގައި ހުރިކަން އެނގޭކަމަށެވެ.
ރައީސް ޔާމިން މިއަދު ވަނީ ސުޕްރީމް ކޯޓުގައި އެމަނިކުފާނުގެ މައްޗަށް އިއްވާފައިވާ 11 އަހަރުގެ ޖަލު ހުކުމް އިސްތިއުނާފުގެ މަރުހަލާ ނުފަށައި ލަސްވާ މައްސަލައިގައި ވެސް ސުވާލު އުފައްދަވާފައެވެ.
