ފުލުހުން ކޮށްފައިވާ އިލްތިމާސްގައި ބުނެފައިވަނީ މިއަދުވެސް އުދަ އެރުމުގެ ފުރުސަތު އޮތްކަމަށާއި، އެހެންކަމުން ދަތުކުރައްވާ ފަރާތްތަކުން ދަތުރު ކުރުމުގައި ސަމާލުވާން ޖެހޭ ކަމަށެވެ.
އުދައިގެ އަސަރު އެންމެ ބޮޑަށް ކުރާނީ މެންދުރުފަ 15:00 އިން 17:30 ކަމަށް މެޓު އޮފީހުން ބުނެފައިވެއެވެ.
އުދައިގެ ސަބަބުން އިއްޔެ ބްރިޖްގެ ހުޅުލެ ލައިޓްކައިރިން ހައިވޭއަށް ވަރަށް ބޮޑަށް ވަނީ ރާޅު އަރާފައިވެއެވެ. އަދި ރާޅުގަނޑު ސަރަހައްދާއި، ކާނިވާ ސަރަހައްދާއި އާޓިފިޝަލް ބީޗް ސަރަހައްދަށް ވެސް ވަރަށް ބޮޑަށް ރާޅުއަރާފައިވެއެވެ. އޭގެ ސަބަބުން ބައެއްމީހުންގެ ހިފާ ގެންގުޅޭ ތަކެއްޗަށްވެސް ވަނީ ވަރަށް ބޮޑަށް ގެއްލުންވެފައެވެ. އަދި ޕާކް ކޮށްފައިވާ ސައިކަލު ތަކަށްވެސް ގެއްލުން ލިބިފައި ވެއެވެ.
ކުރިއަށް އޮތް ތިން ދުވަހު ރާއްޖޭގެ ހުރިހާ ހިސާބަކަށް އުދައިގެ އަސަރުކުރާނެ ކަމަށާއި، ބޮޑަށް އުދައިގެ އަސަރުކުރާނީ މެދުރާއްޖެތެރެއާއި، ދެކުނަށް ކަމަށް މެޓު އޮފީހުން ބުނެފައެވެ.
