މިގޮތަށް ފާސް ކުރަން ނުފެންނަކަމަށް އެ ސެނެޓުން މިއަދު ނިންމާފައިވާއިރު، ސެނެޓުގެ ބައްދަލުވުން ވަރަށް ހޫނުވެ މެދު ކަނޑާލަންވެސް ޖެހުނެވެ.
އިންތިހާ ބޮއިކޮޓްކުރަން މަސައްކަތް ފެށުމަށް އަންގަވާފައިވަނީ ރައީސް އަބްދުﷲ ޔާމިންއެވެ. ނަމަވެސް، ޔާމިންގެ ބަދަލުގައި ނެރުމަށް ނިންމާފައިވާ ކެނޑިޑޭޓު ޕީއެންސީގެ ޑރ. މުހައްމަދު މުއިއްޒުގެ ސަޕޯޓަރުން ވަނީ އިންތިހާބު ބޮއިކޮޓްކުރުމާއި ދެކޮޅަށް ވާހަކަ ދައްކަވާފައެވެ.
އެ ބައްދަލުވުމުގެ ތެރެއަށް ބަޔަކު ވަދެގަތުމުން ޕީޕީއެމުން ވަނީ ފުލުހުންގެ އެހީތެރިކަމަށް ވެސް އެދިފައެވެ. ފުލުހުންގެ އެހީތެރިކަމާއެކު ދެ ގަޑިއިރެއްހާއިރަށް ކުރިއަށް ގެންދިޔަ ސެނެޓު ބައްދަލުވުން ނިމުނީ އިންތިހާބު ބޮއިކޮޓްކުރަން ފާސްނުވެއެވެ.
ސުޕްރީމް ކޯޓުން ވަނީ އިލެކްޝަން ކޮމިޝަނުން ރައީސް ޔާމިންގެ ކެނޑިޑަސީ ބަލައިނުގަތީ ރަނގަޅަށްކަމަށް މިއަދު ނިންމާފައެވެ.
