ރ. ފައިނުގައި އެއާޕޯޓެއް އަޅައިދެއްވާނެ ކަަމަށް ނާޒިމް ވައުދުވެ، ވަޑައިގެންފައިވަނީ ރ. ދުއާފަރުގައި ބޭއްވި ޖަލްސާގައި ވާހަކަދައްކަވަމުނެވެ.
ދުވާފަރުގައި ބޭއްވި ކެމްޕޭން ޖަލްސާގައި ނާޒިމް ވިދާޅުވީ ފައިނުގެ އެއާޕޯޓަކީ އެ ސަރަހައްދަށް ވަރަށް މުހިންމު އެއާޕޯޓެއް ކަމަށާއި، އަދި, އެ ކަން އޭނާގެ ވެރިކަމެއްގައި ކުރައްވާނެ ކަމަށެވެ.
ރ. އަތޮޅަކީ ވަޑާމުގެ ކަންކަން ފުޅާ ދާއިރާއެއްްގައި ކުރާ އަތޮޅެއްކަން ފާހަގަކުރައްވާ، ވަންދޫގައި ބޯޓު ބަނުމަށާއި ކިއްސަރުވަޑާމަށް ހާއްސަ ވަކި ސަރަހައްދެއް ހާއްސަކުރާނެކަމަށް ނާޒިމް ވައުދުވެލެއްވިއެވެ. އަދި އެ ސަރަހައްދަށް އިންވެސްޓްމަންޓް ބޭންކެއް ވެސް ތައާރަފްކުރައްވާނެކަމަށް ވެސް ވިދާޅުވިއެވެ.
ނާޒިމް ވިދާޅުވި ގޮތުގައި އެ ބޭންކު ހާއްސަވާނީ އެ ސަރަހައްދަށް އިންވެސްޓްކުރާ މީހުންނާއި މަސްވެރިންނަށް ކަމަށެވެ.
ނާޒިމް އަކީ ދަނގެތީ ދާއިރާގެ މެންބަރެވެ. އޭނާ ވިދާޅުވީ ދުވާފަރު ރައްޔިތުން އުޅެމުންދާ ނިކަމެތި ހާލު ގާތުން ފެނިއްޖެ ކަމަށާއި މިހާރު ލިބެމުންދާ މިންވަރަކީ ދުވާފަރަށް ހައްގު މިންވަރު ނޫން ކަމަށެވެ.
