ބީއެމްއެލުން ބުނީ ކްރެޑިޓް ކާޑުން ވިޔަފާރިކުރާ ކަސްޓަމަރުންނަށް މި ޕްރޮމޯޝަނުގެ ދަށުން ހާއްސަ ދަތުރެއް ލިބޭނެ ކަމަށެވެ. އަލަށް ކްރެޑިޓް ކާޑަށް އެދި ހުށަހަޅާ ކަސްޓަމަރުންނަށް ހާއްސަ އިނާމުތަކެއް އެ ބޭންކުން ވަނީ ހުށަހަޅާފައެވެ.
ބީއެމްއެލުން ބުނެފައިވަނީ މި ޕްރޮމޯޝަނުގެ ދަށުން އޮކްޓޫބަރު މަހުގެ ނިޔަލަށް ކްރެޑިޓް ލިމިޓްގެ 80 އިންސައްތަ ބޭނުން ކުރާ ފުރަތަމަ 300 ކަސްޓަމަރުންނަށް 1،500 ރުފިޔާގެ ކޭޝްބެކެއް ލިބޭނެ ކަމަށެވެ. އެ މުއްދަތުގެ ނިޔަލަށް ބީއެމްއެލް ރިވާޑްސްއަށް ރަޖިސްޓާކުރާ އާ ކްރެޑިޓް ކާޑު ކަސްޓަމަރުންނަށް އިތުރު 1،000 ރިވާޑް ޕޮއިންޓް ލިބޭނެ ކަމަށްވެސް ބީއެމްއެލުން ބުނެއެވެ.
ބީއެމްއެލް ކްރެޑިޓް ކާޑުން ވިޔަފާރި ކޮށްގެން މެލޭޝިއާ އާއި ތައިލެންޑަށް ދެވޭ ހާއްސަ ޕްރޮމޯޝަނެއް ވަނީ ފަށާފައި - ފޮޓޯ:ބީއެމްއެލް
ބީއެމްއެލުން ބުނި ގޮތުގައި އަލަށް ކްރެޑިޓް ކާޑު ބޭނުންކުރާ ކަސްޓަމަރުންގެ އިތުރުން މިހާރުވެސް ކްރެޑިޓް ކާޑު ބޭނުންކުރަމުންދާ ކަސްޓަމަރުންގެ ތެރެއިން އޮކްޓޫބަރު މަހުގެ ނިޔަލަށް ކްރެޑިޓް ކާޑުން 3،000 ރުފިޔާގެ ވިޔަފާރިކުރާ ކަސްޓަމަރުންނަށް މި ޕްރޮމޯޝަނުގައި ބައިވެރިވެވޭނެ ކަމުގައެވެ.
