ހޯރަފުރީގައި އިދިކޮޅު ކޯލިޝަންގެ ޖަލްސާގެ ތެރެއިން އަދުރޭ
ކަޅުއޮއްފުންމިއެއްގައި ނުކުމެ ރައީސް ސޯލިހު ހައްޔަރު ކުރޭ: އަދުރޭ
ގުފްތަގް އަޖީރު
14 އޯގަސްޓް 2023 - 13:58:29
"ކަޅުއޮއްފުންމިއެއްގައި" ނުކުމެ ރައީސް އިބްރާހުމް މުހައްމަދު ސާލިހު ހައްޔަރުރުމަށް އިދިކޮޅު ޕްރޮގްރެސިވް ކޯލިޝަން ހިންގެވުމާ ހަވާލުވެ ހުންނެވި އަބްދުއް ރަހީމް އަބްދުﷲ (އަދުރޭ) އެދިލައްވައިފިއެވެ.
Advertisement
އަދުރޭ މިހެން އެދިލެއްވީ އިދިކޮޅު ކޯލިޝަންގެ ކެނޑިޑޭޓު ޑރ. މުހައްމަދު މުއިއްޒު އަށް ތާއީދު ހޯދުމަށް ހއ ހޯރަފުށީގައި ބޭއްވި ޖަލްސާގައެވެ.
"ކަޅުއޮއްފުންމި" އަކީ މުހައްމަދު ތަކުރުފާނު ދިވެހިރާއްޖެއާށް ޕޯޗުގީޒުންގެ އަޅުވެތިކަމުން ސަލާމަތްކުރުމަށް ރާއްޖޭގަދި ދަތުރުކުރެއްވި އޮޑިކޮޅުގެ ނަމެވެ.
"ދިވެހި ރައްޔިތުން ނިކުންނަންވާ ކަޅުއޮއްފުއްމިއެއްގައި އޭނާ ހައްޔަރު ކުރަން. ވެރިކަން ނިމިގެން ފުރައިގެން ދިޔަ ދީގެން ނުވާނެ. އޭނާ އަށް ހައްގު އަދަބު ދޭން އެބަޖެހޭ. ހިޔާނާތްތެރިޔަކަށް ދޭ އަދަބު ދޭން އެބަޖެހޭ. އަނިޔާވެރިކަން ދޭން ޖެހޭ އަދަބު ދޭން އެބަޖެހޭ،" -އަދުރޭ-
އަދުރޭ ވިދާޅުވީ އިދިކޮޅު ކޯލިޝަނުން ވެރިކަމަށް އަންނަގޮތަށް ރައީސް އިބްރާހިމް މުހައްމަދު ސާލިހުގެ ޕާސްޕޯޓު ހިފަހައްޓައި އިދިކޮޅުގެ ދައުރު ނިމެންދެން ރައީސް ސާލިހު ޖަލަށްލާނެކަމަށެވެ.
މީގެ އިތުރުން އަދުރޭ ވަނީ ރައީސް އަބްދުﷲ ޔާމިން ޖަލުން ނެރެވޭނީ ޑރ. މުއިއްޒު ވެރިކަމަށް ގެނެސްގެން ކަމަށް ވެސް ވިދާޅުވެފައެވެ.
އިދިކޮޅު ކޯލިޝަނުން މިވަގުތު ކެމްޕޭނު ކުރަމުން އަންނަނީ ހއ އަތޮޅުގައެވެ. ހޯރަ ފުއްޓަށްފަހު ދެން ދަނީ އުތީމަށެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
