ފާރިސް މިހެން ވިދާޅުވީ އެބޭފުޅާގެ ކެމްޕޭން ޖަގަހައެއް ހުޅުވުމުގެ ރަސްމިއްޔާތުގައި ވާހަކަ ދައްކަވަމުންނެވެ.
ފާރިސް ވާހަކަގައި ވިދާޅުވީ ގޭގައި ތިބެގެންވެސް މަސައްކަތް ކޮށް އާމުދަނީ ހޯދާ މީހުން އެބަތިބި ކަމަށާއި، އެގޮތުން ހެދިކާ ހަދާ މީހުންނާއި އަތްތެރި މަސައްކަތް ކޮށްގެންވެސް އާމްދަނީ ހޯދާ މީހުން ގިނަ ކަމަށެވެ. ނަމަވެސް އިގްތިސޯދީ ގާނޫނު ތަކާއި އޮނިގަނޑު އޮންނަ ގޮތުން އެފަދަ ފަރާތްތަކަށް ދައުލަތުން މާބޮޑު އަޅާލުމެއް ދެވޭ ކަހަލަ ގޮތެއް ނޯންނަ ކަމަށް ފާރިސް ވިދާޅުވިއެވެ.
އެފަދަ މަސައްކަތް ކުރާ މީހުންގެ އާމްދަނީން ޕެންޝަން ގޮތުގައި ޖަމާކުރެވޭނެ ގޮތްތައް ވެސް ހެދުމަކީވެސް މުހިންމު ކަމެއް ކަމަށްވެސް ފާރިސް ވިދާޅުވިއެވެ. އަދި އެއާއި އެއްމިންވަރަކަށް ދައުލަތުން ވެސް ފައިސާ ޖަމާ ކޮށްގެން އެމީހުންގެ މަސައްކަތުގެ އުމުރު ނިމޭއިރު، އެމީހުންނަށް އެކަށީގެންވާ ޕެންޝަނެއް އިންތިޒާމު ކުރެވޭނެ ގޮތް އެމަނިކުފާނުގެ ވެރިކަމެއްގައި ހަދައިދޭނެ ކަމަށް ފާރިސް ވިދާޅުވިއެވެ.
އެފަދަ ކަންކަންކުރާ މީހުންގެ ރަޖިސްޓްރީއެއް ގާއިމު ކުރާނެ ކަމަށާއި، އެމީހުން ކުރާ މަސައްކަތުން އާމްދަނީގެ ނިސްބަތަށްބަލާ ލޯންުހަމަޖެއްސޭނެ ގޮތެއް ގާއިމް ކޮށްދޭނެ ކަމަށް ވެސް ފާރިސް ވިދާޅުވިއެވެ. ފާރިސްގެ ސަރުކާރެއްގައި އަމިއްލަ މަސައްކަތް ކުރާ މީހުންނަށް ޕެންޝަން ސްކީމެއް ތައާރަފު ކުރުމަކީ ކުރައްވާނެ އެންމެ މުުހިންމު އެއްކަންތައް ކަމަށް ވެސް ފާރިސް ވިދާޅުވިއެވެ.