މާރިޔާ މިހެން ވިދާޅުވީ މިއަދު ހޮޓެލް ޖެންގައި ބޭއްވި ޕްރެސްކޮންފަރެންސްއެއްގައި ވާހަކަ ދައްކަވަމުންނެވެ.
މާރިޔާވިދާޅުވީ ގުޅީފަޅުން އެމްޑީޕީ ސަރުކާރުގައި ކުރިން 160 ޔުނިޓުގެ ފްލެޓް އަޅައިގެން ކުރިއަށް ގެންދަނިކޮށް އެކަން މުއިއްޒުގެ ހައުސިން މިނިސްޓްރުކަމުގައި ހުއްޓުވާފާނެކަަމަށެވެ. ނަމަވެސް އޭރު އެމީހުން ވަނީ ހައުސިން ޔުނިޓްތަކަށް އަގުވެސް ދީފައިކަމަށެވެ. މަސައްކަތް ހުއްޓުވުމަށްފަހު ވެސް ބަދަލު ދިނީވެސް އެންމެ 18 މީހުންނަށްކަން މާރިޔާ ފާހަގަކުރެއްވިއެވެ.
ރޭ ހުޅުމާލޭ ދެވަނަ ފިޔަވަހީގައި އޮތް، މުއިއްޒުގެ މެނިފެސްޓޯ އާންމު ކުރުމުގެ ރަސްމިއްޔާތުގައި ވާހަކަދައްކަވަމުން އޭނާ ވަނީ މި ސަރުކާރުން ދޫކޮށްފައިވާ އެއްވެސް ގޯއްޗެއް ނުވަތަ ފްލެޓެއް އަތުނުލާނެ ކަމަށް ވިދާޅުވެފައެވެ.
މީގެ އިތުރުން އޭނާ ވަނީ މުއިއްޒު އިސްވެ ހުންނަވައި، ސިޓީ ކައުންސިލުން އެމްޑީޕީގެ ކެމްޕޭނަށް ހުރަސް އަޅާކަމަށް ތުހުމަތުކުރައްވާފައެވެ. ސަަރުކާރުގެ ފަރާތުން އިދިކޮޅަށް އެފަދަ އެއްވެސް ހުރަހެއް ކުރިމަތި ނުކުރާ ކަމަށް މާރިޔާ ވިދާޅުވިއެވެ.
