މިއަދުގެ ހުކުރު ހުތުބާގައި ހާއްސަ ކޮށްފައި ވަނީ ހެޔޮ ނަމޫނާގެ މުހިންމު ކަމުގެ މައްޗަށެވެ.
ހުތުބާގައި ބުނީ ތިބާ އިހުތިޔާރު ކުރާ ނަމޫނާއިން ކަނޑައިޅިގެންދާނީ ހަމައެކަނި މިދުނިޔޭގެ އަމާޒުތައް ނޫން ކަމަށާއި އާހިރަތް ލިބުމާ ނުލިބުން ވެސް އޮތީ ތިބާ އިހުތިޔާރު ކުރާ ނަކަލު ކުރާ ނަމޫނާއެއްގެ މަތީގައި ކަމަށެވެ.
ލޮބުވެތި ރަސޫލާ އަކީ އަކީ ހުރިހާ ކަމެއްގައި އަހަރެމެންނައް ލިބިގެންވާ އެންމެ ހެޔޮ ނަމޫނާއެވެ.
މުޖުތަމައުގެ ފަރުދުން ކިތަންމެ ރަނގަޅު ވިޔަސް އެމީހުން ވެސް ތަބާވާންޖެހޭ ދިރިހުރި ނަމޫނާތަކަކަށް ބޭނުންވާނެކަމަށާއި ނަމޫނާ ލިބޭނީ ބަހާއި އަމަލު އެއްގޮތް ކުރެވިގެން ކަމަށް ވެސް ހުތުބާގައި ވަނީ ބުނެފައެވެ.
ތިޔަބައި މީހުން ނުކުރާ ކަން ކަމުގެ ވާހަކަ ދައްކާ މީހުންގެ އަމަލުތައް މާތްﷲ ގަބޫލު ނުކުރައްވާނެ ކަމަށާއި އާހިރަތް ދުވަހުން ލިބޭ އަޒާބުގެ އިތުރުން މާތް ﷲ ގެ ނުރުއްސެވުން ވެސް އެފަދަ މީހުންނައް ލިބޭނެ ކަމަށް ހުތުބާގައި ވަނީ ހަނދާންކޮށްދީފައެވެ.
