ނޫސްވެރިންނާއި، ބައްދަލުކުރައްވައި މާރިޔާ މިއަދުވެސް ވަނީ އެމްޑީޕީ އަށް ވަރަށް ގިނަ ސަޕޯޓާއި ތާއީދު މުޅި ރާއްޖޭގައިވެސް އިތުރުވަމުން އަންނަ ކަން ފާހަގަ ކުރައްވާފަ އެވެ.
އެމްޑީޕީ މިފަހަރުގެ ރިޔާސީ އިންތިހާބުގެ ކެމްޕެއިންގައި މިވަގުތު ކޯލިޝަނުގައި އޮތީ އަދާލަތު ޕާޓީ އާއި، މޯލްޑިވްސް ޑިވަލޮޕްމަންޓް އެލަޔަންސް އެމްޑީއޭ އެވެ.
މާރިޔާ ވިދާޅުވީ ރާއްޖޭގައި މިވަގުތު ހަރަކާތްތެރިވާ ހުރިހައި ސިޔާސީ ޕާޓީތަކުގެ ތެރެއިންވެސް ޕީއެންސީ ނޫން އެހެން ހުރިހައި ޕާޓީތަކާއެކު އެމްޑީޕީ އާއެކު ކޯލިޝަން ހެދުމަށް އެކި ލެވަލްތަކުގައި މަޝްވަރާކުރެވި މިވަގުތު ވާހަކަތައް ކުރިއަށް ގެންދަވަުން އަންނަ ކަމަށެވެ.
އެމްޑީޕީން ކޮންމެ ދުވަހަކު ބާއްވަމުން އަންނަ ސިލްސިލާ ޕްރެސްކޮންފަރެންސް ތަކުގައިވެސް އިދިކޮޅު ކޯލިޝަނުގައި ހިމެނިވަޑައިގަންނަވާ ކެންޑިޑޭޓް ޑރ މުހައްމަދު މުއިއްޒު އަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވަމުން ގެންދެ އެވެ.
މި ސަރުކާރުގެ ޑިެންސް މިނިސްޓަރުކަންވެސް ކުރައްވަމުން ގެންދަވާ މާރިޔާ މިއަދު ވިދާޅުވީ މުއިއްޒަކީ ކޮލެޓީ ބޭފުޅެއް ނޫން ކަމަށާއި، ޕީއެންސީ އަކީވެސް ކުޑަ ޕާޓީއެއް ކަމަށެވެ.
މާރިޔާ ވިދާޅުވީ ޕީއެންސީގެ ކެންޑިޑޭޓް ދައްކަވަމުން ގެންދަނީ އެބޭފުޅާ އަކީ ޕީޕީއެމްގެ ކެންޑިޑޭޓް ކަމަށެވެ. އަދި ޕީޕީއެމްގެ ނަމާއި ފޮޓޯ އަބަދުވެސް ބޭނުންކުރާ ވާހަކަ ކަމަށާއި، މުއިއްޒު އުޅުއްވަނީ ޕީޕީއެމްގެ އަތްދަށުލައި އެޕާޓީގެ ލީޑަރު ރައީސް ޔާމީނުގެ ނަން ފުހެލުމަށް ކަމަށެވެ. އަދި އެއީ ވަރަށް ދުރާލާ ރޭވުމަކުން ކުރައްވާ ކަމެއް ކަމަށް ތުހުމަތު ކުރެއްވި އެވެ.
މާރިޔާ މިއަދު ވަނީ އެޕާޓީ އާއެކު ކުރަމުންގެންދާ މަސައްކަތްތަކާއި ގުޅިވަޑައިގަންނަ ޕާޓީ ތަކަށް ހުރި ސޮލޮޓް ތައް ނުވަތަ ހުރި ފުރުސަތު ތަކާއި ބެހޭގޮތުން ނޫސްވެރިއަކުކުރި ސުވާލަކަށް ޖަވާބު ދެއްވާފަ އެވެ. ވިދާޅުވީ އެއްބަސްވެ އެކުގައި މަސައްކަތް ކުރައްވާ ޕާޓީތަކާއެކު އެއްބަސްވެފައިވާ ގޮތް ޕާޓީތަކުން ހާމަ ކުރައްވާނެ ކަމަށެވެ.
