ހިންދޫ ދީނުގެ ދަރުސް ދޭން އުޅުނު މީހާ ފުލުހުންގެ ބެލުމުގެ ދަށަށް ގެންދިއުން
މާލޭގައި ހިންދޫ ދީނުގެ ދަރުހެއް ދޭން އުޅޭ މީހާ ހައްޔަރުކޮށްފި
ގުފްތަގް އަޖީރު
31 އޯގަސްޓް 2023 - 16:09:22
"ސްޕްރިޓުއަލް ހީލާ" އެއްގެ ނަމުގައި މާލޭ ހޮޓަލެއްގައި މީހަކު ހުރެ ހިންދޫ ދީނުގެ ދަރުހެއް ދޭން އިޝްތިހާރު ކުރާ މައްސަލަ ފުލުސް އޮފީހަށް ހުށަހަޅުމުން އެމީހާ ހައްޔަރުކޮށްގެން މިއަދު ގެންގޮސްފިއެވެ.
އެމީހާއާއި އޭނާއެކު އައިސް ތިބި މީހުން ފުލުހުންގެ ބެލުމުގެ ދަށަށް ގެންދާ ވީޑިއޯއެއް މިހާރު އަންނަނީ ސޯޝަލް މީޑިއާގައި ވެސް ދައިރުވަމުންނެވެ.
މި މައްސަލަ ފުލުސް އޮފީހަށް ހުށަހަޅާފައިވާކަން އިއުލާނު ކުރެއްވީ އިސްލާމިކް މިނިސްޓަރު ޑރ. އަހުމަދު ޒާހިރު އަލީ އެވެ.
"މާލޭ ހޮޓަލެއްގައި 'ސްޕްރިޗުއަލް ހީލާ' އެއްގެ ނަމުގައި ދީނީ އެއްބައިވަންތަކަން ހިމާޔަތް ކުރުމުގެ ގާނޫނާ ހިލާފު އަމަލެއް ހިންގަން އިސްތިހާރު ކުރާ ކަމުގެ މައުލޫމާތު ލިބިގެން އެ މައްސަލަ ބައްލަވާ ފިޔަވަޅު އަޅައިދިނުމަށް ފުލުހުންގެ އިދާރާ އަށް ވަނީ ހުށަހަޅާފަ،" އިސްލާމިކް މިނިސްޓަރު މިއަދު ވިދާޅުވިއެވެ.
މައުލޫމާތު ލިބިފައިވާގޮތުގައި އެމީހާ ރާއްޖެއައިސް ހުރީ، "އުނިމާ ގްރޭންޑް" ގައެވެ. މި މައްސަލަ ފެންމަތިވުމާއެކު އެ ހޮޓަލުން ވަނީ އެ ދެމީހުން ހޮޓަލުން ޗެކްއައުޓް ކޮށްފައެވެ.
އެމީހުންގެ ފޭސްބުކް ޕޭޖު މެދިވެރިކޮށް ހިންގާފައިވާ އިޝްތިހާރަކީ އެ ހޮޓަލާ ގުޅުންހުރި އިޝްތިހާރެއް ނޫންކަމަށް ވެސް އެ ހޮޓަލުން މިއަދު ބުންޏެވެ.
43%
ކަމުގޮސްފި
43%
އަޑުއެހިތާ މިހުރީ
14%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
