ހިމަބިިީގެ ކޭސް ފެނިފައިވަނީ މިމަހުގެ ފަސްވަނަ ދުވަހު ކަމަށް އެޗްޕިއޭއިން ވަނީ ބުނެފައެވެ.

މީގެ އިތުރުން ބަލި ޖެހުނު ފަރާތް ދިރިއުޅޭ ސަރަހައްދުގައި ވެކްސިން ޑޯޒް ފުރިހަމަ ނުވާ ފަރާތްތަކަށް ރިންގް ވެކްސިން ދިނުމުގެ މަސައްކަތްވެސް ކުރިއަށް ގެންދެވޭނެ ކަމަށްވެސް އެޗްޕިއޭއިން ބުނެއެވެ.

އެންމެފަހުން ރާއްޖެއިން ހިމަބިހީގެ ކޭސް އެއް ފެނިފައިވަނީ މި ނިމުނުމަހުގެ ފަސް ވަނަ ދުވަހުގައެވެ. ހިމަބިއްސަކީ ރާއްޖެއިން ނައްތާލެވިފައިވާ ބައްޔެކެވެ. ނަމަވެސް މި ފަހުން ދޭތެރެދޭރެއިން ރާއްޖެއިން މި ބަލި އަންނަނީ ފެންނަމުންނެވެ. އެގޮތުން އޭޕްރީލް މަހުގައިވެސް އައްޑޫއިން މި ބަލި ޖެހިފައިވާ ކުއްޖަކު ފެނިފައިވެއެވެ.

ހިމަބިހީގެ މައިގަނޑު އަލާމާތްތަކަކީ:

1.  ހުންއައުމާއި ހަމުގައި ރަތް ބިހިތަކެއް ނެގުން

2.  ކެއްސުން،

3. ނޭފަތުން އަރިދަފުސް ފޭބުން

4. ލޯ ރަތްވުން 

އެޗްޕީއޭއިން އިލްތިމާސް ކުރަނީ މިފަދަ އަލާމާތްތަކެއް ފެނިއްޖެ ނަމަ ވީހާވެސް އަވަހަކަށް ސިއްހީ ފަރާތްތަކުގެ ލަފަޔާއި އިރުޝާދު ހޯދުމަށެވެ.