ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް މިފަހުން އެންމެ ކަންބޮޑުވެ ލައްވައިގެން އުޅުއްވީ ފްލައިޓެއް ރަންވޭއަށް ނުޖެއްސިގެން އުޅޭ ހަބަރު ލިބުމުންކަމަށް ފަސްޓްލޭޑީ ފަޒްނާ އަހުމަދު ވިދާޅުވެއްޖެއެވެ.
Advertisement
ރާއްޖެ ޓީވީގެ ޕްރޮގްރާމެއްގައި މިއަދު ހެނދުނު ބައިވެރިވެ ވަޑައިގެން ވާހަކަ ދައްކަވަމުން ފަޒްނާ ވިދާޅުވީ، މިފަހުން އެމަނިކުފާނު އެންމެ ހާސްވެވަޑައިގެން ހުންނަވަނިކޮށް ފެނިވަޑައިގެންނެވީ މޯލްޑިވިއަންގެ ފްލައިޓެއް ރަންވޭއަށް ނުޖެއްސިގެން އުޅޭ ހަބަރު ލިބިވަޑައިގެންނެވި ވަގުތުކޮގައެވެ.
"އެ ފްލައިޓްގައި ކުޑަކުޑަ ކުދިން ތިބޭނެތީ އެކަމުގެ ކަންބޮޑުވެލެއްވި. ކޮވިޑްގެ ދެވަނަ ރާޅުގަނޑު ޗައިނާއަށް އެރުމުންވެސް، ދިވެހިންނަށް ދިމާވެދާނެ ގޮތަކާއި ދޭތެރޭގައި ކަންބޮޑުވުން ފާޅުކުރެއްވި،" މެޑަމް ފަޒްނާ ވިދާޅުވިއެވެ.
އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހަ ދެއްކުންތެރި ބޭފުޅެއް ނޫންކަމަށް ވެސް ފަޒްނާ ވިދާޅުވިއެވެ.
"އިބޫ އަކީ އެހެން އިންސާނުންގޮތައް އިހުސާސްތައް ހުންނަ ހިތްތިރި ބޭފުޅެއް،"
ރައީސް ސޯލިހާއި ފަޒްނާ އެކުގަ އުޅުއްވާތާ މިހާރު ވަނީ 30 އަހަރުވެފައެވެ.
"އިބޫއަކީވެސް އިންސާނެއް. ކޯފާވެސް ވާނެ. އެހެން ނަމަވެސް، އިބޫއާއި ކުރިމަތިވާ ކޮންމެ އިމްތިހާނެއްގައި އިސްކުރެއްވީ ކެތްތެރިކަން." މެޑަމް ފަޒްނާ ވިދާޅުވިއެެވެ.
ފަޒްނާ ވިދާޅުވީ ރައީސް ސޯލިހުގެ އެންމެ ގަޔާވާ ސިފައަކީ މީހުންގެ މީހުންނާ ގުޅޭގޮތުން އެހެން މީހުން ކުރާ ޝަކުވާ އަޑުއައްސަވަން ބޭނުންފުޅުނުވުންކަމަށެވެ.
