ދެހާސް ވިހި ވަނަ އަހަރުގެ މެއި މަހުން ޑިސެމްބަރު މަހުގެ ނިޔަލަށް އިނގިރޭސިވިލާތުގެ ވެކްސިން ޓާސްކްފޯސްގެ ޗެއާމަންގެ މަގާމު އަދާކުރެއްވި ކޭޓް ބިންގަމް ވިދާޅުވީ އާ ވައިރަސްގެ އަސަރު 1919 ވަނަ އަހަރާއި 1920 ކުރިމަތިވި ފަނާކުރަނިވި ސްޕެނިޝް ފްލޫފަދަ ނުރައްކާތެރި ބައްޔަކަށް ވެދާނެކަމަށެވެ.
ޑަބްލިޔުއެޗްއޯ އިން ބުނާ ގޮތުގައި ޑިޒީޒް އެކްސް އަކީ އާ އޭޖެންޓަކަށް - ވައިރަސްއެއް، ބެކްޓީރިއާއެއް ނުވަތަ ފަންގަހެއްކަމަށް ވެދާނެ ކަމަށެވެ. އެއީ އެއްވެސް ފަރުވާއެއް އަދި ނެތް ބައްޔެއްކަށްވެސް އެ ޖަމިއްޔާއިން ވަނީ ބުނެފައެވެ.
ޑިޒީސް އެކްސްގެ ނުރައްކަލާ ދުނިޔެއަށް ކުރިމަތިލާން ޖެހިއްޖެ ނަމަ "ދުނިޔެއިން މާސް ވެކްސިން ޑްރައިވްތަކަށް ތައްޔާރުވެ، ރެކޯޑް ވަގުތެއްގައި ޑޯޒްތައް ޑެލިވަރީ ކުރަން ޖެހޭނެ" ކަމަށް ޑެއިލީ މެއިލް އަށް އޭނާ ވިދާޅުވިއެވެ.
މާހިރު އިތުރަށް ވިދާޅުވީ ސައިންސްވެރިން 25 ވައިރަސް އާއިލާއެއް ދެނެގަނެވިފައިވީ ނަމަވެސް އެއް މިލިއަނަށް ވުރެ ގިނަ ވައްތަރުތައް ހޯދިފައި ނުވާ ކަމަށާއި އެއީ އެއް ވައްތަރަކުން އަނެއް ވައްތަރަކަށް ފުންމާލެވޭނެ ވައްތަރުތަކެއް ކަމަށް ވެދާނެ ކަމަށެވެ.
އިބޯލާގައި މަރުވާ މީހުންގެ ނިސްބަތަކީ ގާތްގަނޑަކަށް 67 ޕަސެންޓެވެ.
އަދި ބަލިމަޑުކަމުގެ އަދަދު އިތުރުވަމުން ދާ ސަބަބު ވެސް އޭނާ ވަނީ ކިޔައިދީފައެވެ.
ޑަބްލިޔުއެޗްއޯ އިން ފުރަތަމަ ޑިޒީޒް އެކްސްއާ ބެހޭ ގޮތުން އެ ކުންފުނީގެ ވެބްސައިޓުގައި ސަމާލުކަމަށް ގެނެސްފައި ވަނީ މިދިޔަ މެއި މަހުއެވެ.
