އެކަމުގައި ހިމެނުނު މީހުންގެ ތެރެއިން ވައްކަމުގެ މައްސަލާގައި ހައްޔަރުކޮށްފައިވަނީ މ. ކޮޅުފުށި، އާރެސް، އުމުރުން 38 އަހަރުގެ ހަސަން ގާލިބްއެވެ.
ވައްކަމުގެ މައްސަލާގައި ހައްޔަރުކުރުން ކޯޓުން ވަނީ މީނާގެ ބަންދުގެ މުއްދަތު 15 ދުވަސް ޖަހާދީފައެވެ. ކޯޓުން ނެރުނު ބަންދުގެ އަމުރުގައި މީނާއަކީ ކުށުގެ ރިކޯޑްތައް ގިނަ މީހެއްކަމަށް ފާހަގަކޮށްފައިވެއެވެ.
މީނާއަކީ މިދިޔަ އަހަރުގެ ނޮވެމްބަރު މަހުގެ ތެެރޭގައި ހިޔާ ފްލެޓެއްގެ ތެރޭގައި މީހަކު ރަހީނުކޮށް، އިނގިލި ބުރިކޮށްލަން އުޅުނު މައްސަލާގައި ހައްޔަރުކުރި 12 މީހުންގެ ތެރޭގައި ހިމެނިގެން އޭރު ހައްޔަރުކުރި މީހެކެވެ.
ފުލުހުން މި 12 މީހުން ހައްޔަރުކުރީ އެ މީހުން ހިޔާ ފްލެޓް އެޗް9 ގެ 20 ވަނަ ފްލޯގެ 11 ވަނަ އެޕާޓްމަންޓު ތެރޭ މީހަކު ރަހީނުކޮށް ބޯ ބޭލުމަށް ފަހު، އެ މީހާގެ އިނގިލި ބުރިކޮށްލަން ތައްޔާރުވެފައި ވަނިކޮށްކަމަށް ފުލުހުން ވަނީ ބުނެފައެވެ.
