ދިވެހި ޒުވާން ޓީމު މުބާރާތުން ކެޓީ ދެ މެޗު ކުޅުން އިރު އެންމެ މެޗަކުންވެސް މޮޅު ނުވެއެވެ. އެއް މެޗުން އެއްވަރުވީއިރު އަނެއް މެޗުން ވީ ބައްޔެވެ. ދިވެހި ޓީމަށް ޖެހުނީ އެންމެ ދެ ލަނޑެވެ. އެކަމަކު ފަހު މެޗުގައި އެކަނިވެސް ދިވެހި ޓީމަށް ދެ ރަތް ކާޑު ދެއްކވިއެވެ.
ނޭޕާލް އަތުން ބަލިވި މެޗަށް ފަހު ކޯޗު ޝާކިއްޓެ ބުނީ ދިވެހި ޓީމުން ފެނުނީ ޓީމު ފެނުނީ މި ވަރުގެ ޕްރެޝަރު މެޗަކަށް އެހާ ރެޑީ ނޫން ތަން ކަމަށެވެ.
ނޭޕާލް މެޗަށް އިއްޔެ ރާއްޖެ ނުކުތްއިރު، ރާއްޖެ އަށް މެޗު އެއްވަރުކޮށްލައިގެން ވެސް ސެމީ ފައިނަލަށް ދިއުމުގެ ފުރުސަތު އޮތެވެ. އެކމަކު ނޭޕާލު އަތުން ބަލިވުމުން ހުސް އަތާ ރާއްޖެއަށް މުބާރާތް ނިންމާލަން ޖެހުނީއެވެ. މި ގްރޫޕްގެ އެއް ވަނަ ހޯދީ ދެ މެޗުން ހަތަރު ޕޮއިންޓް ހޯދި ޕާކިސްތާން އެވެ. ދެ ވަނަ އަށް ދިޔަ ނޭޕާލަށް ތިން ޕޮއިންޓް ލިބުނުއިރު، ފުލުގައި ނިންމާލި ރާއްޖެ އަށް ލިބުނީ އެއް ޕޮއިންޓެވެ. ރާއްޖެ އަށް ޕޮއިންޓެއް ލިބުނީ ފުރަތަމަ މެޗުގައި ޕާކިސްތާނާ 1-1 އިން އެއްވަރުވުމުންނެވެ.
