ރިޔާސީ އިންތިހާބުގެ ނަތީޖާއަށްފަހު އެމްޑީއޭގެ އިސް ބޭފުޅުން ރައީސް އިބްރާހީމް މުހައްމަދު ސޯލިހާ ދުރުވުމަށްފަހު ރޭ ކުއްލި ގޮތަކަށް ވަނީ ކޯލިޝަން އުވާލި ކަމަށް ނިންމާފަ އެވެ.

އެމްޑީއޭގެ ކައުންސިލްގެ އަގުލަބިއްޔަތުން ރޭ ނިންމީ ރިޔާސީ އިންތިހާބުގެ ދެވަނަ ބުރުގައި ޕީޕީއެމް ޕީއެންސީގެ ރިޔާސީ ކެންޑިޑޭޓް މުހައްމަދު މުއިއްޒުއަށް ތާއީދުކުރާށެވެ.

ރިޔާސީ އިންތިޚާބުގެ ދެވަނަ ބުރަށް ގޮތެއް ނިންމުމަށް އެމްޑީއޭގެ ގައުމީ މަޖިލީހުން ބޭއްވި ބައްދަލުވުމަށް ފަހު، ނޫސްވެރިންނާ ވާހަކަފުޅު ދައްކަވަމުން ސިޔާމް ވިދާޅުވީ އެ ޕާޓީގެ ނިންމުމާ އެއްގޮތަށް، މުއިއްޒު އިންތިޚާބު ކުރުމަށް ވެސް ވަރަށް ރަނގަޅަށް މަސައްކަތް ކޮށްދެއްވާނެ ކަމަށެވެ.

ސިޔާމް ވިދާޅުވީ ސިޔާސީ ޕާޓީތަކުގެ މެދުގައި އަބަދު ވެސް މަޝްވަރާ ކުރަމުންދާ ކަމަށެވެ. އެގޮތުން، ޕީޕީއެމާ އެކު ވެސް މަޝްވަރާތައް އަބަދު ވެސް ކުރިއަށްދާ ކަމަށް އޭނާ ވިދާޅުވިއެވެ.

އައްޑު އަށް ވަޑައިގެން އައްޑޫގެ ކެމްޕެއިން ޓީމުތަކާ ބައްދަކުރައްވަން މިއަދު ހިތަދޫ އެމްޑީޕީ ޖަގަހައިގައި ބޭއްވި ބައްދަލުވުމުގައި ރައީސް ވިދާޅުވީ، އެމްޑީއޭ އިން ފުރަތަމަ ބުރުގައި ކޮށްދިން މަސައްކަތްތައް ޝުކުރުވެރިވާ ކަމަށާއި ހެޔޮ މުސްތަގުބަލަކަށް ވެސް އެދިވަޑައިގަންނަވާ ކަމަށެވެ.

އެމްޑީޕީއާ އެކު ކޯލިޝަންގައި މިހާރު ހަމައެކަނި އޮތް އަދާލަތު ޕާޓީގެ އުއްމީދުތައް ވަރަށް ގިނަ ކަމަށާއި އެމްޑީއޭ ދުރަށް ޖެހުމަކީ ކަންބޮޑުވާން ޖެހޭ ކަމެއް ނޫން ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.

ރިޔާސީ އިންތިހާބުގެ ފުރަތަމަ ބުރުގައި ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް 101،635 ވޯޓު ހޯއްދެވިއިރު ރައީސް އިބްރާހީމް މުހައްމަދު ސޯލިހަށް ލިބިވަޑައިގަތީ 86،000 ވޯޓެވެ.