ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަކީ ކޮރަޕްޓު ބޭފުޅެއް ނޫންކަމަށާ، އެ ބޭފުޅަކީ އަނިޔާވެރި ބޭފުޅެއް ނޫންކަންވެސް އެންމެވެސް ގަބޫލުކުރާކަމަށް އެމަނިކުފާނުގެ އަބިކަބަލުން މެޑަމް ފަޒްނާ އަހުމަދު ވިދަޅުވެއްޖެއެވެ.
Advertisement
މިއަދު މީޑިއާއަކަށް ދެއްވި އިންޓަވިއުއެއްގަ ފަޒްނާ ވިދާޅުވީ، ރިޔާސީ އިންތިޚާބުގައި ރައީސް ޞާލިޙާ ދެކޮޅަށް ވޯޓުދިން ގިނަ މީހުންނަކީ ކޮންމެވެސް އަމިއްލަ މަސްލަހަތަކަށްޓަކައި އުފެދިފައިވާ ހިތްހަމަނުޖެހުން ތަކެއްގެ ސަބަބުން އެމަނިކުފާނާއި ދެކޮޅަށް ވޯޓުދިން ބައެއް ކަމަށެވެ.
"މާޒީގައި އޮތް އަނިޔާވެރިކަމަށް ދާން ބޭނުންނުވާ ރައްޔިތުން ގިނަ. ރިޔާސީ އިންތިޚާބުގެ ދެވަނަބުރުގެ ކެމްޕޭނުގައި ގިނަ ބަޔަކާ ބައްދަލުވެ ވާހަކަ ދައްކައިފިން. ކުރީގެ އަނިޔާވެރިކަމަށް ދާން ބޭނުންނުވާ ކަމަށް ގިނަ ބަޔަކު ބުނޭ،" -ފަޒްނާ-
ފަޒްނާއާ ބައްދަލުވި އެންމެންވެސް ރައީސް ސޯލިޙަކީ އަނިޔާވެރި ނުވާނެ އަދި ކޮރަޕްޓް ނޫން ބޭފުޅެއްގެ ގޮތުގައި ފާހަގަކުރިކަމަށް ވިދާޅުވިއެވެ.
"ރިޔާސީ އިންތިހާބުގައި އިބޫއާ ދެކޮޅަށް ވޯޓުދިން ގިނަ މީހުންނަކީ ކޮންމެވެސް އަމިއްލަ މަސްލަހަތަކަށްޓަކައި އުފެދިފައިވާ ހިތްހަމަނުޖެހުން ތަކެއްގެ ސަބަބުން އެމަނިކުފާނާއި ދެކޮޅަށް ވޯޓުދިން ބައެއް،"
އިދިކޮޅުން ތަފާތު ވައުދުތައްވި ނަމަވެސް، މާޒީގެ ހަގީގަތައް ބައްލަވައިގެން ވޯޓުގެ ކަންކަން ކުރިއަށް ގެންދިއުމަށް ފަޒްނާ ވަނީ އެދިލައްވާފައެވެ.
