އުތުރު ހުޅުމާލޭގެ ހިޔާ ޓަވަރުތައް: މައްސަލަ ހައްލުކޮށް ދެވަނަ ފިޔަވައްސަށް ކަރަންޓުގެ ހިދުމަތް އަލުން ވަނީ ދީފައި.
މައްސަލަ ހައްލުކޮށް ދެވަނަ ފިޔަވައްސަށް އަލުން ކަރަންޓު ދީފި
މުހައްމަދު އަތީފް
14 އޮކްޓޯބަރ 2023 - 16:33:14
އުތުރު ހުޅުމާލެ (ދެވަނަ ފިޔަވަހި) ކަރަންޓުގެ ހިދުމަތް މެދުކެނޑެން މެދުވެރިވި މައްސަލަ ހައްލުކޮށް، އަލުން ކަރަންޓު ދެވިފައިވާ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.
ސްޓެލްކޯގެ އޮފިޝަލަކު "ސީއެންއެމް" އަށް މިއަދު ވިދާޅުވެފައިވަނީ އުތުރު ހުޅުމާލޭން ކަރަންޓުގެ ހިދުމަތް މެދުކެނޑިފައިވަނީ އާތް ފޯލްޓެއްވެ ކަރަންޓު ކޭބަލަކަށް ލިބުނު ގެއްލުމަކާ ގުޅިގެން ކަމަށެވެ.
ކަރަންޓުގެ ހިދުމަތް މެދުކެނޑުނު ސަރަހައްދުތަކުގެ ތެރެއިން އެ ހިދުމަތް ދެވެން ހުރި ތަންތަނަށް އަލުން ކަރަންޓު ދެމުން އަންނަ ކަމަށާއި ގެއްލުން ލިބުނު ކޭބަލް ރިޕެއާ ކުރުމުގެ މަސައްކަތް ކުރިއަށްދާ ކަމަށް އޭރު އޭނާ ވިދާޅުވިއެވެ.
ދިމާވި ޓެކްނިކަލް މައްސަލައަކާ ގުޅިގެން އުތުރު ހުޅުމާލޭން ކަރަންޓުގެ ހިދުމަތް މެދުކެނޑިފައިވާ ކަމަށް ސްޓެލްކޯއިން ބުނެފައިވަނީ މިއަދު މެންދުރު 1:45 ހާއިރުއެވެ.
ކަރަންޓު ކެނޑުމުގެ ސަބަބުން އެ ސަރަހައްދުތަކުގައި ދިރިއުޅެމުންދާ ފަރާތްތަކަށް ދިމާވި ދަތިތަކަށް ސްޓެލްކޯއިން ވަނީ މާފަށް އެދިފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
