އަދާލަތުން މިއަދު ނެރުނު ބަޔާނެއްގައި ބުނެފައިވަނީ އިޒްރޭލުން ގައްޒާއަށް ގަދަކަމުން ވެރިވެ ހިންގަނީ ލާއިންސާނީ އަމަލުތަކެއްކަމަށެވެ.
ވަކިން ހާއްސަކޮށް މެދުނުކެނޑި 11 ދުވަސް ވަންދެން ވައިގެ މަގުން ހަމަލާދީ ފަލަސްތީނުގެ ގައްޒާ ސުންނާފަތިކޮށް، ގިނަ ޢަދަދެއްގެ ކުޑަކުދިންނާއި އަންހެނުން ހިމެނޭހެން އެތައް ބަޔަކު ޝަހީދުކޮށް، އެތައްހާސް ބަޔަކު ޒަހަމްކޮށްފައިވާ ކަން އެ ބަޔާނުގައި ވަނީ ފާހަގަކޮށްފައެވެ.
އެހެންކަމުން އިސްރާއީލުގެ މި ރަހުމެއްނެތް ޖަރީމާތައް ހުއްޓުވާ، ހަނގުރާމައިގެ ޖަރީމާތައް ހިންގާ ފަރާތްތަކާ ދެކޮޅަށް ފިޔަވަޅުއަޅާ ބައިނަލްއަގުވާމީ މުއައްސަސާތަކުން އެ މައްސަލަތައް ބަލާ ފިޔަވަޅުއެޅުމަށް އަދާލަތު ޕާޓީން ވަނީ ގޮވާލާފައެވެ. އަދި އިސްރާއީލުގެ އުދުވާނަށް ވާގިވެރިވެ ކުށެއްނެތް ކުޑަކުދިންމެރުމަށް އެހީތެރިވެ ހަތިޔާރާއި މާލީ އެހީތެރިކަން ފޯރުކޮށްދޭ ހުޅަނގުގެ ޤައުމުތަކުން ވަގުތުން އެކަން ހުއްޓާލުމަށް ވެސް އަދާލަތު ޕާޓީން ގޮވާލާފައިވެއެވެ.
