މިދިޔަ ހޮނިހިރު ދުވަހު ޔޫސުންބެ ގެއްލިގެން ހޯދަން ސިފައިން ވަނީ ވައިގެ މަގުން، އަދި ޑައިވްކޮށްގެންނާ ކަނޑު މަގުން ހޯދަން ފަށާފައެވެ. 

ނަމަވެސް ސިފައިން މައަދު ބުނީ 72 ގަޑިއިރު ވުމުން ޑައިވްކޮށްގެން ޔޫސުބެ ހޯދުން ހުއްޓާލާފަވާކަމަށެވެ. 

"ޑައިންވުކުރުން ހުއްޓާލިއަސް ކަނޑުމަގުން އަދި ވައިގެ މަގުން ހޯދުމުގެ މަސައްކަތްކުރާނެ،" -ސިފައިން-

ސިފައިން ބުނީ 72 ގަޑިއިރު ތެރޭގަ އަޑީގަ އޮންނަ މީހަކުވެސް މައްޗަށް އަރާނެކަމަށެވެ.

އެމްއެންޑީއެފުން ބުނެފައިވަނީ ޑައިވްކޮށްގެން 78،850 ސްކޮޔަ މީޓަރުގެ ސަރަހައްދެއް ބަލާފައިވާއިރު، މި ޑައިވްތަކުގައި މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންގެ ޑައިވަރުންނާ އެކު ދަނގެތިންވެސް ޑައިވަރުންތަކެއް ވަނީ ބައިވެރިވެފައި ކަމަށެވެ.

ޔޫސުބެ ގެއްލުނީ ދަނގެތިން ކުޑަ އިންޖީނު ދޯންޏެއްގައި މަހަށް ނިކުމެ އުޅެނިކޮށެވެ.