ނަބާ، ސެމީ ފައިނަލަށް ދިޔައީ، ކުއާޓާ ފައިނަލުގައި، އަންހެން ސިންގަލްސްގެ ދެ ވަނަ އަށް ސީޑްކޮށްފައިވާ އޮސްޓްރޭލިއާގެ ކާއި ކީއާ ބަލިކޮށްގެނެވެ. 

ދެވަނަ އަށް ސީޑުކޮށްފައިވާ އޮސްޓްރޭލިއާ ކުޅުންތެރިޔާ އަތުން ފޯރިގަދަ މެޗަކަށް ފަހު ތިން ސެޓު ކުޅެގެން ނަބާ މެޗު ކާމިޔާބުކުރީ، ކާއި ފުރަތަމަ ސެޓު، 17-21 އިން ގެންގޮސްފައިވަނިކޮށް ފަހަތުން އަރައި 22-20، 21-12 އިންނެވެ.

ސެމީ ފައިނަލުގެ ޖާގަ ހޯދުމާ އެކު، ނަބާ އަށް މި ވަނީ މެޑަލެއް ޔަގީންވެފަ އެވެ. ސެމީ ފައިނަލުގައި ނަބާ ބައްދަލުކުރާނީ އޮސްޓްރޭލިއާގެ ޝައުނާ ލީ އެވެ. އޭނާ އަކީ އަންހެން ސިންގަލްސް ތިން ވަނަ އަށް ސީޑްކޮށްފައިވާ ކުޅުންތެރިއެކެވެ.