ވެރިކަން ބަދަލުވުމުގެ މަރުހަލާގައި ދައުލަތުގެ ބައެއް އިދާރާތަކާއި ސަރުކާރުގެ ކުންފުނިތަކުގެ ލިޔެކިޔުންތައް ނައްތާލަމުގެ ޝަކުވާ އޭސީސީ އަށް ލިބެމުންދާ ކަމަށް އެ ކޮމިޝަނުން ވަނީ ބުނެފަ އެވެ.
އޭސީސީ އިން ބުނީ، އެ ފަދަ ކަންތައް އެ ކޮމިޝަނަށް ވެސް ފާހަގަ ކުރެވިފައިވާ ކަމަށެވެ.
ދައުލަތުގެ ލިޔެކިޔުމަށް ބަދަލު ގެނައުމާއި ލިޔެކިޔުން ނައްތާލުން ނުވަތަ ފޮރުވުން ފަދަ އަމަލުތަކަކީ ގާނޫނީ ކުށެއް ކަމަށާއި އެކަން ފުލުހުންގެ ސަމާލުކަމަށް ގެނެސްފައިވާ ކަމަށް ވެސް އޭސީސީގެ ބަޔާނުގައިވެއެވެ. އަދި މިފަދަ ކަންކަން ހުއްޓުވައިދިނުމަށް ޕީސީބީގައި އެދިފައިވާނެ ކަމަށް ވެސް ބަޔާނުގައިވެއެވެ.
އޭގެ އިތުރުން ސަރުކާރު ހިއްސާވާ ކުންފުނިތަކުގެ މިފަދަ އަމަލުތައް ހުއްޓުވައިދިނުމަށް ޕީސީބީގައި އެދިފައިވާނެ ކަމަށް ވެސް އޭސީސީން ބުންޏެވެ.
ސޯޝަލް މީޑިއާގައި ދައުރުވަމުންދާ ވީޑިއޯއާއެކު ވީޑިއޯ ޕޯސްޓު ކުރި ފަރާތުން ބުނެފައިވަނީ، ވީޑިއޯ އާންމު ކުރީ، ލިޔުންތައް ނައްތާލި ގޮތާއިމެދު ޝައްކު އުފެދި، އެކަމުގައި ގޯސްކަމެއް ހުރިކަން ތުހުމަތު ކުރެވޭތީ ކަމަށެވެ.
މިކަމާ ގުޅިގެން އެފްއެސްއެމުން ބުނީ ނައްތާލައިފައިވާ ލިޔެކިޔުންތަކަކީ ވަރަށް ކުރީގެ އަދި މިހާރު ކުންފުޏަށް ބޭނުން ނުހިފޭ ލިޔެކިޔުންތަކެއް ކަމަށެވެ.
