ޕެންޓަގަން ޕްރެސް ސެކްރެޓަރީ ޕަޓް ރައިޑާ ބުނީ އިރާގްގައި ހުންނަަ އެމެރިކާ އަދި ކޯލިޝަންގެ ސިފައިންގެ މަރުކަޒުތަކަށް އެކިފަހަރުމަތިން 10 ހަމަަލާ އަމާޒުވެފައިވާކަމަށެވެ. އަދި ސީރިއާގައި ހުންނަ މަރުކަޒުތަކަށް ތިން ފަހަރަކު ހަމަލާދީފައިވާކަމަށް އޭނާ ބުނެއެވެ.
ޕެންޓަގަން އިން ބުނީ މިހަމަލާތައް ދީފައިވަނީ އޮކްޓޯބަރު 17 ވަނަ ދުވަހުން ފެށިގެން 24 ވަނަ ދުވަހާ ދޭތެރޭގެކަމަށެވެ.
ހަމަލާދީފައިވަނީ ރޮކެޓް އަދި ކަމިކޭޒް ޑްރޯން ބޭނުންކޮށްގެންނެވެ.
އެހަމަލާތަކުގައި އެމެރިކާގެ ސިފައިންނަށް ލިބުނު ގެއްލުމުގެ ތަފްސީލެއް ރައީޑާ ދީފައިނުވާއިރު އޭނާ ބުނީ އެއީ އަދި "ފެށުން" ކަމަށެވެ.
ހަމަލާތަކުގެ ފަހަތުގައި ވަނީ އީރާންގެ ރެވޮލިއުޝަނަރީ ގާޑް ކޯޕްސް އިން ސަޕޯޓްކުރާ ޖަމާތްތައް ކަމަށް އޭނާ ބުނެފައިވެއެވެ.
އިޒްރޭލުން ގައްޒާއަށް ހަމަލާދޭން ފެށިފަހުން މެދުއިރުމަތީގައި ހުންނަ އެމެރިކާބޭސްތަކަށް ހަމަލާ ދިނުން އަންނަނީ ވަރަށް ބޮޑަށް އިތުރުވަމުންނެވެ.
