ހުރިހާ ފޮޓޯއެއްގައި ވެސް ބަތަލާގެ މޫނުމަތިން ފެންނަނީ ތަފާތުކޮށެވެ. އޭނާގެ ފޭނުން ވެސް އެ ފޮޓޯތަކަށް ލޯބިކޮށް އަންނަނީ އުފާ ފާޅުކުރަމުންނެވެ.
މި ފޮޓޯތައް ނަގީ ކާކިތޯ ގިނަބަޔަކު އަންނަނީ ސުވާލު އުފައްދަމުންނެވެ. ނަމަވެސް ރިޕޯޓުތައް ބުނާގޮތުން އެ ފޮޓޯތައް ނެގީ އޭނާގެ ސިއްރު ލޯބިވެރިއާ އަދީއްޔާ ރޯއީ އެވެ.
މި ފޮޓޯތަކަށް ތައުރީފު ކުރުމަށް ފޭނުން ސޯޝަލް މީޑިއާއަށް ވަދެފައިވާއިރު، އޭގެ ތެރެއިން ގިނަ ބަޔަކު ވަނީ އަދީއްޔާ ރޯއީ ކަޕޫރުގެ ފޮޓޯގްރަފީގެ ހުނަރަށް ތައުރީފުކޮށްފައެވެ.
އަދީއްޔާ އަނަންޔާއާ ރައްޓެހިވެގެން އުޅޭ ކަމަށް އަޑު ފެތުރިފައިވާއިރު، އޭނާގެ އުފަންދުވަހަށް އޭނާއާއެކު ރާއްޖޭގައި އުޅުނު ކަމަށް ރިޕޯޓްތައް ބުނެއެވެ.
އަނަންޔާ ޕަންޑޭ އާއި އަދީއްޔާ ރޯއީ ކަޕޫރާ ގުޅުން އަދި ކަށަވަރުކޮށްދީފައި ނުވި ނަމަވެސް އެ ދެމީހުން އެކުގައި އެތައް ފަހަރަކު ފެނިފައިވެ އެވެ.
