ފުވައްމުލަކު ސިޓީގައި ހިނގި އަލިފާނުގެ ހާދިސާގައި ރޯވީ ދިގުވާޑު އަވަށުގެ ޗަސް ބިމުގައެވެ. ހާދިސާގެ މައުލޫމާތު މިއަދު 14:00 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުނެވެ. ފުވައްމުލަކު ފަޔާ ސްޓޭޝަނަށް މައުލޫމާތު ލިބުމާއެކު އެ ސަރަހައްދަށް ފަޔަރފައިޓަރުން ގޮސް ކުރި މަސައްކަތުން ރޯވެފައިހުރި އަލިފާން ނިއްވާލާފައިވަނީ މިއަދު 14:45 ހާއިރުއެވެ.  

އައްޑޫސިޓީގައި އަލިފާން ހިފީ ހިތަދޫ ކުޑަކުދިންގެ ޕާކު ކުރިމަތީގައި ހުރި ކުނިތަކެއްގައެވެ.  ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔާ ސްޓޭޝަނުގެ ފަޔަރފައިޓަރުން ވަނީ ނިއްވާލާފައެވެ. އައްޑޫގެ އަލިފާނުގެ ހާދިސާގެ މައުލޫމާތު ސިފައިނަށް ލިބުނީ ހަވީރު 16:55 ހާއިރުއެވެ. 

ދެ ހާދިސާގައިވެސް އެއްވެސް މީހަކަށް އަނިޔާނުވާކަމަށް ސިފައިން ބުނެއެވެ.