ޝާއިރު މިއަދު ސުޕްރީމް ކޯޓުގެ އަޑުއެހުންތައް ފެށުމުގެ ކުރިން ވިދާޅުވީ، ނޮވެންބަރު 2 ވަނަ ދުވަހު ޑިމޮކްރެޓްސްގެ ޕީޖީ ލީޑަރު މައްސަލައަށް ތަދައްހުލްވާން ބޭނުންވެ ލައްވާތީ ސުޕްރީމް ކޯޓަށް ސިޓީއެއް ފޮނުއްވިކަމަށެވެ. ނަމަވެސް 2 ނޮވެންބަރުގެ ސިޓީއަށް ޖަވާބުލިބުނީ 5 ނޮވެންބަރުގައި ކަމަށެވެ. 

ސިޓީގެ ޖަވާބު ލިބުމުން އިތުރު ސިޓީއެއް ސުޕްރީމް ކޯޓަށް ފޮނުވުމުން ފޯމަކުން ހުށަހަޅަން ސުޕްރީމް ކޯޓުން އަންގާފައިވާކަމަށެވެ. 

އެހިސާބުން ދަ ޑިމޮކްރެޓްސްގެ ފަރާތުން ގާނޫނީ ވަކީލެއް ހަމަޖެއްސުމަށް މަސައްކަތްކޮށް ޝާއިރު ހަމަޖެއްސި ކަމަށެވެ. 

އޭގެ ފަހުން ދޮޅު ގަޑީއިރެއްހާއިރު ފަހުން ސުޕްރީމް ކޯޓުން ތައްދައްހުލްވާން ފޯމު ފޮނުވަން އިއްޔެ އެންގިކަމަށް ޝާއިރު ވިދާޅުވިއެވެ. 

އޭނާ ވިދާޅުވީ އޭޓާނީ ޕީޕީއެމް/ޕީއެންސީ އަދި އެޓާނީޖެނެރަލްގެ އޮފީހާއި، މަޖިލީހުން ހުށަހަޅާފައިވާ ލިޔުންތައްކުގަވެސް ތަފާތުތަކެއް ހުރިކަން ފާހަގަކުރެވޭކަމަށެވެ.  

ޝާއިރު ވިދާޅުވީ މި މައްސަލައަކީ އިޖުރާއީ ގޮތުން ބެލޭނެ މައްސަލައެއް ވެސް ނޫންކަމަށެވެ. 

އެނާ އެދިލެއްވީ އަންނަ ބުރާސްފަތި ދުވަހާއި ހަމައަށް ނުވަތަ ދެވެން އޮތް އެންމެ ދިގުމުއްދަތެއްގައި ލިޔެކިއުންތައް މުރާޖާކުރަން ވަގުތު ދިނުމަށެވެ.

ސުޕްރީމް ކޯޓުން ބުނަނަނީ ޑިމޮކްރެޓްސް އަށް އެއްވެސް ޕާޓީއަކާ ތަފާތުކޮށްފައި ނުވާނެކަމަށް:

މި މައްސަލައިގައި ސުޕްރީމް ކޯޓުގެ ފަނޑިޔާރުންގެ ބެންޗުގެ ރިޔާސަތު ބަލަހައްޓަވާ،  ރިޔާސަތު ބައްލަވަމުން ގެންދަވާ ފަނޑިޔާރު މަހާޒް އަލީ ޒާހިރު ވިދާޅުވީ، ބުރާސްފަތި ދުވަހުގެ ރަސްމީ ވަގުތު ނިމުމާ ހަމައަށް އެ ސިޓީ އެ ބޭފުޅާއަށް ލިިބިލައްވާފައިނުވާކަމަށެވެ. 

"ޑިމޮކްރެޓުން ހުށެހެޅި ހުށަހެޅުމަށް އެ އިޖުރާތުން ބޭރުން އަމަލުކޮށްފައެއް ނުވާނެ. ފޯމު ރެޖިސްޓްރީކޮށް ފީ ދެއްކުމާއެކީގަ ކޯޓުގައި ހުންނަ ލިޔެކިޔުންތައް އަރުވާނެ. އެއްވެސް ޕާޓީއަކާ ޑިމޮކްރެޓްސްއާ ތަފާތުކޮށްދައެއް ނޯންނާނެކަމުގެ ޔަގީންކަން އަރުވަން،" މަހާޒް ވިދާޅުވިއެވެ. 

މިއަދު 11:50 ގައި ބްރޭކް ނަގާއިރު އިތުރު ފުރުސަތު ދަ ޑިމޮކްރެޓްސް އަށް ދޭން ޖެހޭތޯ މަޝްވަރާ ކުރައްވާނެކަމަށް ވެސް މަހާޒް ވިދާޅުވިއެވެ. 

ސުޕްރީމް ކޯޓުން ރާވާފައި އޮތީ މިއަދުގެ ޝަރީއަތުގެ ފުރަތަމަ ބައި 11:50 ގެ ނިޔަލަށް ކުރިއަށް ގެންދިއުމަށެވެ. އެ ހިސާބަށް އަޑުއެހުންތައް ނިންމާނުލެވިއްޖެނަމަ 12:30 އިން 13:30 އަށް އަޑުއެހުންތައް ގެންދާނެއެވެ.  13:30 އާއި ހަމައަށް ވެސް އަޑުއެހުން ނުނިމިއްޖެނަމަ މާދަމާވެސް އަޑުއެހުމެއް ބާއްވާނެއެވެ. 

މަހާޒްގެ އިތުރުން މި މައްސަލަ ބައްލަވާނީ ފަނޑިޔާރު އަލްއުސްތާޛް މަޙާޒު ޢަލީ ޒާހިރު، ފަނޑިޔާރު ޑރ. އަޒްމިރާލްދާ ޒާހިރު، ފަނޑިޔާރު އަލްއުސްތާޛް ޙުސްނުއްސުޢޫދު، ފަނޑިޔާރު އަލްއުސްތާޛް ޢަލީ ރަޝީދު ޙުސައިން، ފަނޑިޔާރު ޑރ. މުޙައްމަދު އިބްރާހީމް އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތްކަމަށް ހުށަހަޅާފައިވާ މައްސަލަ ކުރިޔަށް ގެންދެވޭނެ ގޮތެއް މަޖިލީހުގައި ނެތުމުން އެކަމަށް ހައްލެއް ހޯދަން ސުޕްރީމް ކޯޓަށް ހުށަހެޅީ ވެެރިކަން ކުރާ އެމްޑީޕީންނެވެ.

މި މައްސަލައަށް، ޕީޕީއެމް، ޕީއެންސީ އަދި ދަ ޑިމޮކްރެޓްސް އިން ވަނީ ތަދައްހުލްވެފައެވެ.