މި ދަތުރު ފުޅަކީ މުއިއްޒުގެ އަމިއްލަ ދަތުރުފުޅެކެވެ.
އެމަނިކުފަނު ފުރާވަޑައިގަތީ ޕްރައިވެޓް ޖެޓެއްގައިކަމަށް ބައެއް ރިޕޯޓުތައް ބުނެއެވެ.
އިންތިގާލީ ތަރުޖަމާ މުހައްމަދު ފިރުޒުލް ވަނީ އަމިއްލަ ދަތުރުފުޅެއްގައި މުއިއްޒު އަބޫދާބީއަށް ވަޑައިގެންނެވިކަން މީޑިއާތަކަށް ޔަގީންކޮށްދެއްވާފައެވެ.
މުއިއްޒު ވަނީ ދާދި ފަހުން ސިންގަޕޫރަށްވެސް ދަތުރުފުޅެއް ކުރައްވައިފިައެވެ. މުއިއްޒު ސިންގަޕޫރަށް ކުރެއްވި ދަތުރުފުޅަށްފަހު މާލެ ވަޑައިގަތީ ހޮނިހިރު ދުވަހުގެ ރޭއެވެ.
ނުރަސްމީ ދަތުރުފުޅެއްގައި މުއިއްޒު ސިންގަޕޫރަށް ވަޑައިގަތީ އޮކްޓޯބަރު މަހުގެ 30 ވަނަ ދުވަހު އެވެ. މިއީ ރިޔާސީ އިންތިހާބު ކާމިޔާބު ކުރެއްވުމަށްފަހު އެމަނިކުފާނު ރާއްޖޭން ބޭރަށް ކުރެއްވި ފުރަތަމަ ދަތުރުފުޅެވެ.
އިންތިހާބީ ރައީސްގެ މި ދަތުރުފުޅުގައި ޕީއެންސީގެ ބައެއް އިސް ބޭފުޅުންވެސް ބައިވެރިވެވަޑައިގެންފައިވެއެވެ.
ސެޕްޓެމްބަރު 30 ގައި ބޭއްވި ރިޔާސީ އިންތިހާބު ކާމިޔާބު ކުރެއްވި މުއިއްޒު، ރަސްމީކޮށް ރައީސުލްޖުމްހޫރިއްޔާގެ މަގާމާ ހަވާލުވެވަޑައިގަންނަވާނީ މި މަހުގެ 17 ވަނަ ދުވަހު އެވެ.
އެ މަނިކުފާނު ހުވާކުރެއްވުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ އެ ދުވަހުގެ ހަވީރު ޖުމްހޫރީ މައިދާނުގައެވެ.
