ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ)
އެކަނިވެރި މައިންގެ އިނާޔަތް 9 މީހެއް އަތުން އަނބުރާ ހޯދަން އަންގައިފި
ގުފްތަގް އަޖީރު
07 ނޮވެންބަރ 2023 - 15:16:27
އެކަނިވެރި މައިންގެ އިނާޔަތް 9 މީހެއް އަތުން އަނބުރާ ހޯދަން އަންގައިފައިވާކަމަށް އޮޑިޓަ ޖެނެރަލް ހުސައިން ނިޔާޒީ ނެރުއްވި ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އޮޑިޓް ރިޕޯޓުން ހާމަވެއްޖެއެވެ.
Advertisement
އެ ރިޕޯޓުގައި ބުނެފައިވާގޮތުން 2020 ވަނަ އެކަނިވެރި މައިންގެ އިނާޔަތް ލިބެންނުޖެހޭ 9 މީހަކަށް އެ އިނާޔަތް ވަނީ ދީފައެވެ. އެ ފައިސާގެ އަދަދު 93،000 ރުފިޔާއަށް އަރައެވެ.
މިގޮތުން އެކަނިވެރި މައިންގެ ފައިސާ ލިބެނީ ކައިވެނި ނުކޮށް އުޅޭ މީހުންނަށް ނަމަވެސް، އެ ފައިސާ ކައިވެނިކޮށްގެން އުޅޭ މީހުންނަށް ވަނީ ދީފައެވެ.
"އެގޮތަށް ދިމާވަނީ އެލަވަންސް ދިނުމުގެ ކުރިން ކައިވެންޏާއި ވަރީގެ މައުލޫމާތު ކޯޓުތައް މެދުވެރިކޮށް ބެލޭނެ ފުރިހަމަ ނިޒާމެއް ގާއިމް ކޮށްފައި ނެތުމުން،" -އެންސްޕާ އޮޑިޓް ރިޕޯޓް-
އެލަވަންސް ދިނުމުގައި އިހުމާލުވި މުބައްޒަފުންނަށް ފިޔަވަޅު އަޅަންވެސް އޮޑިޓާޖެނެރަލް ވަނީ އެންސްޕާއަށް އަންގަވާފައެވެ.
"ދައުލަތުގެ މުވައްޒަފުންގެ އިހުމާލުން ދައުލަތަށް ލިބޭ މާލީ ގެއްލުންތަކަށް މުވައްޒަފުން ޒިންމާވާން ޖެހޭނެ،" ކަމަށް އޮޑިޓާޖެނެރަލް ވިދާޅުވެފައިވެއެވެ.
ޒިންމާ ނެގުމަށް މުވައްޒަފުން ދެކޮޅު ހަދާ ނަމަ ކަމާބެހޭ އިދާރާތަކަށް އެ މައްސަލަ ހުށަހެޅުމަށް ވެސް އޮޑިޓާ ޖެނެރަލް ވަނީ އަންގަވައިފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
